د بلوچستان حکومت د پښتون تحفظ تحریک په مشر منظور پښتین دغه صوبې ته په داخلیدو بندیز یو وارې بیا تازه کړیدی
منظور پښتین د بلوچستان د حکومت هغه پریکړه غندلې ده چې وایي د منظور پښتین بلوچستان ته د تگ د بندیز موده ځکه غځوي چې د "منظور د کرکې نه ډکه وینا په صوبې کې بی ارامي راپاروي".
منطور پښتین د حکومت دغه پریکړه د پاکستان استعماري پالیسي وبلله. هغه په یو ټویټ کې ولیکل:
Banning my entry into Baluchistan is the old colonial policy of Pakistan to keep Pashtuns mobility limited.Various pretexts r produced to keep Political & military control over Pashtuns land. No communication is allowed just military wireless works which is imp for military Inc https://t.co/Ar5hhVZ6eg
— Manzoor Pashteen (@manzoorpashteen) April 3, 2019
"بلوچستان ته زما په ورتگ بندیز د پاکستان پخوانۍ استعماري پالیسي ده چې د پښتنو گرځیده محدوده کړي. د پښتنو په خاوره د سیاسي او پوځي کنټرول لپاره مختلفې طریقې کارول کیږي. زمونږ په سیمې کې د خبرو اجازه هم نشته، یواځې پوځي وایرلس کار کوي ځکه چې هغه د پوځ لپاره ضروري دي."
د ډان ورځپاڼې لیکلي چې د بلوچستان حکومت د اپریل په ٣ نیټه په یوې اعلامېې کې لیکلې چې حکومت د پښتین د داخلیدو د بندیز موده غځوي چې په دغې سیمې کې امنیت ته تاوان و نه رسیږي.
د بلوچستان حکومت هغه وخت د منظور پښتین دغې صوبې په تگ بندیز لگولی و چې هغه د فرورۍ په ٣ نیټه د تحریک د یو غړي ارمان لوڼي په جنازې کې د گډون لپاره قلعه سیف الله ته تللی و.