یو شمیر پښتنو فعالینو د بلوچستان پر ایالتي حکومت نیوکه کړې چې د طالبانو د کویټي پر شورا بندیز نه لګوي خو پر منظور پښتین یې لګوي.
د بلوچستان ایالتي حکومت د دوشنبې په ورځ د پښتون ژغورنې د غورځنګ مشر منظور پشتین د بلوچستان ایالت ته له تللو منع کړ او اجازه یې ورنکړه چې په کویټه کې له الوتکې ښکته شي.
دغه بندیز ته په ټولنیزو رسنیو کې یو شمیر پښتنو فعالینو غبرګون ښوولې دې.
د پښتون ژغورنې غورځنګ مخکښه غړي محسن داوړ په خپل ټویټر کې لیکلي چې منظور پشتین چې د بلوچانو پرلت کې د برخه اخیستلو لپاره کویټې ته تللی و، د دغه بندیز له امله له لارې راګرځول شوی او د ځایي مقاماتو له خوا ورته ویل شوي چې هغه نشي کولای د بلوچستان خاورې ته داخل شي.
@manzoorpashteen has been sent back from Quetta airport to Karachi by district administration and LEA’s. He has been told that the provincial government has banned his entry to the province. #Sharamnak
— Mohsin Dawar (@mjdawar) December 10, 2018
همداراز د عوامي نشنل ګوند پخوانۍ غړې بشرا ګوهر هم په دغه بندیز باندې غبرګون ښودلی. هغې لیکلي چې په ټول پاکستان کې یواځې پر پښتنو باندې بندیزونو لګیدل کیږي، یواځې د پښتنو نومونه تورو لستونه ته زیاتیږي او یواځې پښتانه په غیر قانوني توګه بنديان کیږي.
...and bar #Pashtun youth from holding peaceful jalsas, enter cities, register fake FIRs against them, put their names on ECL, create a blacklist to threaten & order their illegal arrests, stifle dissent—Deny victims of war fundamental freedoms. #DaSangaAzadiDa? #HumanRightsDay https://t.co/GMr9mrAcU4
— Bushra Gohar (@BushraGohar) December 10, 2018
افراسیاب خټک بیا د تحریک انصاف د کال ۲۰۱۴ غونډو ته په اشاره کې وویلي چې عمران خان ته اجازه ورکړل شوې وه چې تر ۱۲۶ ورځو پورې د پاکستان په زړه اسلام اباد کې د سترې محکمې مخې ته لاریون وکړي او له هغه ځایه د دولت د نړلو خبرې وکړي خو د پښتون ژغورنې مشر منظورپشتین ته بیا د هیڅ قسمه سیاسي فعالیتونو اجازه نه ورکول کیږي.
Imran Khan was free to aggressively agitate for 126 days in heart of Islamabad, physically threatening Supreme Court, Parliament, PM House& PTV for overthrowing an elected govt.But PTM leader Manzoor Pashteen not allowed for peaceful pol activities.#InternationalHumanRightsDay
— Afrasiab Khattak (@a_siab) December 10, 2018
د پښتون ژغورنې د غورځنګ بلې غړې، سنا اعجاز هم لیکلي چې منظور پشتین ته اجازه نه ده ورکړل شوې چې کویټې ته لاړ شي. له هغه ځایه کراچۍ ته لیږل شوی او مونږ دلته په حوزو کې زمونږ خلاف درج شوو شکایتونو په شمارلو او پاکولو اخته یو. مونږ د بشر د حقونو ورځ په پاکستان کې داسې ولمانځله.
Leader of PTM @manzoorpashteen has been stopped to visit Quetta Baluchistan and the authorities has sent him back to the Karachi for unknown reasons. And we are counting and claring #FIRs against us. This is how we are celebrating intl #HumanRightsDay in Pakistan.#PTM pic.twitter.com/g8QxuLZrtl
— Sanna Ejaz(سیاله) (@sanaejaz2) December 10, 2018
پر منظور پشتین باندې دغه بندیز په داسې حال کې لږول شوی چې نن ورځ په ټوله نړۍ کې د بشري حقونو نړیواله ورځ لمانځل کیږي.