پداسې حال کې چې د هند د بهارتیا جنتا گوند د خپلو متحدینو سره یو ځاې په هند کې په انتخاباتو کې په لوی توپیر بری ترلاسه کړیدی. د نړۍ د مختلفو ملکونو مشرانو نریندر مودي ته د مبارکۍ او نیکو هیلو پیغامونه استولې دي.
په هند کې د انتخاباتو د نتایجو د اعلان سره سره نریندر مودي ته چې په دغه انتخاباتو کې یې ډیره واضح بری تر لاسه کړیدی، په ټویټر د نړۍ د مختلفو ملکونو مشرانو د مبارکۍ پیغامونه استول پیل کړیدي.
د افغانستان ولسمشر اشرف غني نریندر مودي ته په ټویټر مبارکي ورکړه. هغه ولیکل:
Congratulations to PM @narendramodi on a strong mandate from the people of India. The government and the people of Afghanistan look forward to expanding cooperation between our two democracies in pursuit of regional cooperation, peace and prosperity for all of South Asia.
— Ashraf Ghani (@ashrafghani) May 23, 2019
"نریندر مودي ته د هند د ولس لخوا په زیات شمیر رایو گټلو مبارکي وایم. د افغانستان ولس او حکومت د هند سره په سیمې کې د امن، پرمختگ او خوشحالۍ لپاره د همکارۍ دوام ته هیله مند دي."
د امریکا ولسمشر ډونالډ ټرمپ په ټویټر مودي ته څه داسې ولیکل:
Congratulations to Prime Minister @NarendraModi and his BJP party on their BIG election victory! Great things are in store for the US-India partnership with the return of PM Modi at the helm. I look forward to continuing our important work together!
— Donald J. Trump (@realDonaldTrump) May 23, 2019
"صدراعظم نریندر مودي او د هغه گوند ته په انتخاباتو کې په برې مبارکي وایم. د مودي د بیرته راتگ سره به امریکا او هند یو ځاې ډیر څه تر لاسه کړي. زه د هغه سره د خپلې همکارۍ دوام ته سترگې په لار یم."
د افغانستان او د امریکا د ولسمشرانو په شمول د نړۍ د نورو ځینو ملکونو مشرانو هم نریندر مودي ته د نیکو هیلو پیغامونه استولي د.
ښاغلي مودي هم دغو پیغامونو ته په خپل ټویټر ځوابونه ورکړیدي او د هغوي سره یې د سیمې او د نړۍ په اړه خپلې ژمنې تکرار کړیدي.