د فلسطین روغتیايي چارواکو د سه شنبې په ورځ اکتوبر۱۷ ( تلې ۲۵) ویلي چې د غزې په تړانګه کې په یو روغتون باندې د یو برید په پایله کې شاوخوا ۵۰۰ تنه وژل شوي دي.
د فلسطین روغتیايي چارواکو ویلي، چې دا برید په غزه کې د الاهلي العربي په روغتون شوی دی.
د اسرائیل پوځ د ایکس په ټولنیزه شبکه کې په خپلې فارسي پاڼه باندې دا برید د اسلامي جهاد د نیمه پوځي ډلې کار ګڼلی دی. د اسرئیل پوځ ویلي چې دا چاودنه د دغه هیواد په لور د یو توغول شوي توغندې د توغولو په پایله کې پیښه شوې، چې اسرائیل ته نه دی رسیدلی او په دغه روغتون باندې لګیدلی دی.
د اسرئیلو پوځ لیکلي: "د رسیدلو معلوماتو له مخې د څو منابعو څخه چې مونږ یې په اختیار کې لرو، د اسلامي جهاد سازمان د ناکام توغول شوي توغندي د برید مسوول دی چې په روغتون باندې لګیدلی دی."
حمله موشکی نافرجام سازمان تروریستی جهاد اسلامی در منطقه بیمارستان المعدانی شهر غزهپیوست ویدیویی از سامانههای نیروی هوایی اسرائیل است که منطقه بیمارستان را قبل و بعد از پرتاب ناموفق سازمان تروریستی جهاد اسلامی مستند میکند. pic.twitter.com/B6LWIsKGCW
— ارتش دفاعی اسرائیل | IDF Farsi (@IDFFarsi) October 18, 2023
د اسرئیل ددفاع وزیر یواف ګلانت د ایکس په ټولنیزه شبکه کې لیکلي، چې " حماس او اسلامي جهاد نن شپه د توغنیدیو په ویشتلو د غزې په روغتون کې په سلګونو ملکي وګړي وژلي دي.
د اسرائیل صدراعظم بنیامین نتانیاهو هم د ایکس په ټولنیزه شبکه کې په خپله رسمي پاڼه په غزه باندې برید د سخت دریځو تندلارو کار ګڼلی دی. نتانیاهو ویلي:" ټوله نړۍ باید پوه شي. دا وحشي تروریستان و چې په غزه کې یې په روغتون برید وکړ، نه د اسرائیو دفاعي ځواکونو. هغوی په وحشیانه ډول زمونږ ماشومان ووژل ، خپل ماشومان یې هم ووژل".
The entire world should know: It was barbaric terrorists in Gaza that attacked the hospital in Gaza, and not the IDF.Those who brutally murdered our children also murder their own children.
— Benjamin Netanyahu - בנימין נתניהו (@netanyahu) October 17, 2023
د اسلامي جهاد نیمه پوځي ډلې د اسرائیل دا ادعا رد کړې ده. دغې ډلې د چهارشنبې په ورځ اکتوبر ۱۸( تلې ۲۶) د اسرائیل ددې تور په غبرګون کې چې دا ډله یې په روغتون باندې د برید مسئوله ګڼلې ویلي چې دا " درواغ" دي.
د رویټرز خبري اژانس په یو راپور کې ویلي، چې په خپلواک ډول دغه ادعاوې نشي تائیدولی، چې کومه ډله ددغه برید مسووله ده. په غزه کې د حکومت د روغتیا وزیر چې د حماس له خوا اداره کیږي اسرائیل په " ډله ییزه وژنه" تورن کړي دي.
ددې وړاندې د سه شنبې په ورځ د حماس تر کنټرول لاندې په غزه کې روغتیايي چارواکو خبر ورکړی و، چې په تیرو ۱۱ ورځو کې پر غزه باندې د اسرائیل په هوايي بریدونو کې لږترلږه ۳۰۰۰ کسان وژل شوي دي.
اسرائیل د اکتوبر په اوومه وروسته له هغې د غزې په تړانګه باندې د توغنیدیو بریدونه پیل کړل، چې د حماس سخت دریځي ډلې په اسرائیلو باندې په یو ناڅاپي برید کې له ۱۴۰۰ کسانو زیات ووژل او د بهرنیو اوسیدونکو په ګډون یې نږدې ۲۰۰ تنه نور یرغمل ونیول.