د امریکا متحده ایالاتو د ملي امنیت شورا سلاکار رابرت اوبراین له ولسمشر غني سره د بین الافغاني خبرو ژر تر ژره پیلېدو په اړه خبرې کړي دي.
سپینې ماڼۍ ویلي چې یادې ټلیفوني خبرې پرون دوشنبه اګست۳۱(وږې۱۰) شوي دي: "نن د بین الافغاني خبرو پر اړتیا باندې خبرې وشوې چې له هر ډول ځنډ پرته باید شروع شي."
NSA O’Brien had a great phone call with President @ashrafghani today to discuss the need for intra-Afghan talks to start without delay. Reiterated U.S. support for a sovereign, democratic, and unified #Afghanistan that never again serves as a source of international terrorism.
— NSC (@WHNSC) August 31, 2020
د امریکا د متحده ایالاتو د ملي امنیت شورا پر ټیوټر لیکل شوي چې ښاغلی اوبراین ولسمشر غني ته ډاډ ورکړی چې امریکا د یو خپلواک، یوموټي او دموکراټیک افغانستان ترڅنګ ولاړه ده چې بیا د نړیوال تروریزم په سرچینې بدل نشي.
د یادې شورا په ټویټ کې راغلي:"د امریکا متحده ایالات به د افغان ځواکونو تر څنګ ولاړ وي چې د خپلو خلکو د امنیت لپاره یې درنې قربانۍ ورکړي دي."
پر همدې مهال د جمهوري ریاست ویاند صدیق صدیقي هم ویلي چې ښاغلي غني د امریکا د ملي امنیت شورا له سلاکار سره د افغان سولې بهیر او بندیانو ازادېدو په اړه خبرې کړي دي.
ښاغلي صدیقي ویلي چې ولسمشر غني له اوبراین سره خبرو کې د طالبانو او حکومت ترمنځ د بین الافغاني خبرو پر پیلېدو باندې ټینګار کړی دی.
هغه زیاته کړې چې دواړو لورو تلپاتې سولې ته د رسېدو لپاره د اوربند پر ټینګېدو باندې هم ټینګار کړی دی.
President Ghani spokes with Mr. O%27Brian about the AFG Peace process, the exchange of prisoners, and Pres. Ghani stressed the need for the start of the direct negotiation between the Taliban and the government. Both emphasized the importance of a ceasefire for a durable peace ... https://t.co/udUwXotpX2 pic.twitter.com/HHRnses1Ze
— Sediq Sediqqi (@SediqSediqqi) September 1, 2020
د امریکا د متحده ایالاتو د ملي امنیت شورا سلاکار پر داسې مهال د بین الافغاني خبرو پر ژر پیلېدو ټینګار کړی چې د یادو مذاکراتو د تر سره کېدو نېټه لا نه دی اعلان شوې.
په پام کې وه چې د ۴۰۰ جنجالي طالب بندیانو تر خلاصېدو وروسته دغه خبري ژر پيل شوي وای، خو داسې معلومیږي چې د یادو بندیانو د بهیر تر خلاصېدو ځنډېدلي دي.
افغان حکومت تر دا مهاله د یادو طالبانو څخه د ۸۰ تنو خلاصېدل تائید کړي دي.
طالبانو هم تر دې مخکې ویلي چې د خپلو پاتې بندیانو تر خلاصېدو وروسته په یوه اونۍ کې دننه خبرو ته چمتو دي.
خو افغان چارواکو بیا تر دې مخکې طالبان په دې برخه کې په ناغېړي تورن کړي دي.
د ملي امنیت شورا ویاند جاوید فیصل تېره اونۍ وویل ترڅو چې طالبان افغان کمانډو خلاص نه کړي د طالبانو پاتې بندیان به هم خوشي نشي.
بلخوا داسې ویل کیږي چې تېره ورځ ناوخته له څرخي پله او یو شمېر نورو زندانونو څخه یو شمېر طالب بندیان ازاد شوي دي، خو په خپلواکه توګه نه دي تائید شوي.