د قاطع ملاتړ ماموریت په چوکاټ کې د امریکايي ځواکونو یو منسوب په افغانستان کې وژل شوی دی.
د دغه ماموریت لخوا د جمعې په ورځ د «لېندۍ پر ۲۳مه»په خپره شوې اعلامیه کې ویل شوي چې د امریکايي ځواکونو دغه منسوب تېره ورځ په یوه غیر محارب پېښه کې وژل شوی دی.
د ناټو په مشرۍ د قاطع ملاتړ ماموریت په خپله اعلامیه کې نه دي ویلي چې د امریکايي ځواکونو دغه منسوب د افغانستان په کوم ولایت کې وژل شوی دی.
ناټو ویلي چې د یاد وژل شوي منسوب په اړه معلومات به د پالیسۍ لمخې تر ۲۴ ساعتونو وروسته خپاره کړي.
دا په روانه لېندۍ میاشت کې په افغانستان کې د امریکايي ځواکونو څلورم منسوب دی چې په افغانستان کې وژل کېږي.
په افغانستان کې د امریکا د پوځ درې غړي وژل شوي
په افغانستان کې د امریکا د پوځ یو غړی وژل شوی
د امریکا د دفاع وزارت وایي چې شااوخوا ١۴زره امریکایي سرتېري په افغانستان ماموریت ترسره کوي چې د ماموریت عمده برخه یې د افغان ځواکونو روزل دي.
په افغانستان کې د امریکا په ١٧کلنه جګړه کې چې د دې هېواد اوږده جګړه بلل کېږي څه د پاسه ٢۴٠٠ امریکایي سرتېري وژل شوي دي.