په پاکستان کې د هغې نه وروسته چې یو حکومتي چارواکي مطبوعاتي غونډې ته وویل دي چې د انتخاباتو د ورځې لپاره یې سخت امنیتي انتظامات کړیدي، حتی زر کفنونه یې تیار کړیدي. په ټولنیزو رسنیو غبرگون پاریدلی دی.
د پېښور حکومتي چارواکي دغه خبره پداسې وخت کې کړیده چې په پاکستان کې د انتخاباتو د امنیت په اړه سوالونه موجودي دي او د پاکستان پوځ په تاریخ کې په لمړني ځل شاوخوا څلور لکه پوځیان ځای په ځای کړیدي.
د انتخاباتو د کمپاین په دوران کې تروسه پورې درې تنه کاندیدان وژل شوې هم دي.
د حکومتي چارواکي دغه وینا د پاکستان سیاسي چارو کارپوهانو او ژونالسټالو په ټولنیزو رسنیو شریکه کړه او اندیښنه یې پرې څرگنده کړه.
د پاکستان یو مشهور خبریال سید طلعت حسین په خپل ټویټر ولیکل
DC Peshawar telling the nation that the system against terrorism is so well prepared that he has even readied “1000 coffins”. Very reassuring for the dead. The living however might not see this as a sign of exceptional competence. pic.twitter.com/YUOaDlMDhU
— Syed Talat Hussain (@TalatHussain12) July 23, 2018
"د پیښور د کمشنر مرستیال وایي چې د ترهگرۍ ضد یې دومره ښه انتظامات کړیدي چې حتی ١٠٠٠ کفنونه یې تیار کړیدي. دا د مړیو لپاره خو ښه خبر دی، خو ژوندي دا د هغه بیساری قابلیت نه گڼي."
په ټولنزو رسنیو د غبرگون نه وروسته د پیښور د کمیشنر مرستیال یوه ویډیو په ټویټر خپره کړه او وی ویل چې د هغه هدف یواځې د امنیتي انتظاماتو په اړه خلک خبرول و.
د پاکستان موقتي حکومت د انتخاباتو د امنیت لپاره په ټول ملک کې ٣٧٠ سوه زره پوځیان ځاې په ځاې کړیدي چې دغې په پاکستان کې د پوځ د رول په اړه لا تورې پوښتنې راپارولې دي.