پاکستان د چمپینز ټرافي په پایلوبه کې هند ته لویه ماتې ورکړه او د دغو سیالیو اتلولي یې وګټله.
پاکستان د خپل یو ځوان پښتون لوبغاړي، فخر الزمان د ۱۱۴ منډو په مرسته هند ته د ۳۳۸ منډو هدف وټاکه خو هند پوره نشو ک ړی.
دا لوبه د یکشنبې په ورځ په انګلستان کې وشوه. هند د پچې له ګټلو وروسته پاکستان منډو جوړولو ته راوباله، شاید د هند دا خیال و چې پاکستان به په کمو منډو وسوځوي او لوبه به وګټي، خو داسې ونشول.
د پاکستان صدراعظم نواز شریف ټول پاکستان ته د دغه بري مبارکي وویله.
که څه هم هند په تېر وخت کې دومره هدف پوره کړی و، خو له پاکستان سره لوبې او پایلوبې پر هند له اوله فشار زیات کړی و.
د هند د سر لوبغاړی روحیت شرما په صفر وسوځېده او ورپسې محمد عامر د هند دوه نور پیاوړي لوبغاړي ویرات کوهلي او شیکر دایوان هم وسوځول او پر هند یې شته فشار نور هم زیات کړ.
پاکستان په ۱۸۰ منډو دا لوبه وګټله، د هند مخکني مشهور لوبغاړي ورېندر سیواک په خپل ټویټر کې پاکستان ته مبارکي ویلي.
Congratulations Pakistan on a really comprehensive victory today. Well played, deserved winners and a great result for Pakistan cricket.
— Virender Sehwag (@virendersehwag) June 18, 2017
له پنډي پرته چې ۷۶ منډې یې وکړې، د هند نور لوبغاړي ژر ژر وسوځېدل. د هند ټوله لوبډله په ۳۰ اورونو کې په ۱۵۸ منډو وسوځېدل او په لومړي ځل یې په یوه تاریخي لوبه کې د پاکستان په لاس لوی شکست ومانه.
کرکټ د هند او پاکستان ترمنځ له لوبې ورپوته یو مسئله ده. په پاکستان او هند دواړو کې پر عادي مینوالو سربېره ځینو سیاستوالو او د بالیوډ مشهورو ستوریو تبصرې کړې او وړاندوینې کړې وې.
د پاکستان د کرکټ پخواني کپټان شاهد افریدي په خپل ټویټر کې لیکلي چې ننۍ لوبه به د هند او پاکستان مینوال تر ډېره یادوي. وايي پاکستان اتلولي وګټله.
This performance will be remembered long by both Indian and Pakistani fans :) Pakistan %27ve made this #CT17 truly memorable
— Shahid Afridi (@SAfridiOfficial) June 18, 2017
مشهور سینمايي ستوري ریشي کپور په خپل ټویټر کې پاکستانیانو ته لیکلي: تاسو یې وګټئ، زر وارې یې وګټئ، خو تروریزم بند کړئ. موږ ته ماتې منظور ده. موږ سوله او مینه غواړو.
Achcha choddo yaar. Tum log Jeeton aur hazaaron Baar jeeton sirf Terrorism bandh kar do yaar. Mujhe haar manzoor hai. We want peace and love
— Rishi Kapoor (@chintskap) June 15, 2017
تر دې مخکې پاکستان په دا ډول مهمو نړیوالو سیالیو کې هېڅکله هم هند ته ماتې نه وه ورکړې. هند د همدغو سیالیو د تېرې دور اتل و.
چمپینز ټرافي په هرو څلورو کلونو کې یو وار کیږي چې د نړۍ د سر اته پیاوړې او غوره لوبډلې په کې لوبیږي.