د پاکستان ولسمشر عارف علوي د اسلام اباد د عالي محکمې یو قاضي شوکت عزیز صدیقي د "ناوړه چلند" په تور د دندې نه لیرې کړ
د پاکستان د قانون وزارت د پنجشنبې په ورځ ( اکتوبر ١١) په یوې اعلامیې کې وایي چې ولسمشر عارف علوي د دغه ملک د سترې محکمې د قضایي شورا سپارښتنه ومنله او قاضي صدیقي یې د دندې گوښه کړ.
د یادونې وړ ده چې صدیقي د روان کال د جولایي په میاشت کې د پاکستان په استخباراتي ادارې آي ایس آي تور لگولی و چې د محکمې په کارونو کې مداخله کوي.
هغه دا تور هم لگولی و چې آي ایس آی د عالي محکمې یو قاضي ته ویلي و چې نه غواړي نواز شریف او لور یې د انتخاباتو نه مخکې د بند نه خوشي شي.
د قاضي صدیقي په آي ایس آي د نیوکو دغه ویډیو په ټولنیزو رسنیو زیاته شریکه شوه او د پاکستان د سترې محکمې قاضي القضا د هغه په څرگندونو نیوکې وکړی.
هغه پخپله وینا کې دا هم ویلي و چې د پاکستان مطبوعاتو د دغې ادارې نه ماتې منلې ده او اوس یې د پاکستان د محکمو نه هم گټه پورته کوي.
د قاضي صدیقي گوښه کیدو ته په ټولنیزو رسنیو سمدستي غبرگون وښودل شو.
په پاکستان کې د سیاسي چارو کارپوه ماجد آغا په یو ټویټ کې ولیکل.
Supreme Judicial Council recommends to remove Justice Shaukat Aziz Siddiqui. He spoke boldly and took brave stand against Army, ISI and their undue influence in the matters which are beyond their constitutional and legal role and limits.
— Majid Agha (@Majid_Agha) October 11, 2018
"هغه د پوځ او آي ایس آي چې په هغه کارونو کې د نفوذ کوښښ کوي چې دوي یې قانوني واک نه لري، ضد یو پیاوړی او ښه گام پورته کړی و. "
په اسلام اباد کې خبریال عثمان منظور د قاضي صدیقي د جولایي د میاشتې هغه وینا شریکه کړه چې له کبله یې هغه د دندې گوښه کړی شو.
The reason behind Justice Shaukat Aziz Siddiqui%27s removal from office of a judge..... 👇👇👇👇 pic.twitter.com/r4K6bfkKkC
— Usman Manzoor (@usmanmanzoor) October 11, 2018
د یادونې وړ ده چې قاضي شوکت صدیقي پخوا هم د پوځ په کردار نیوکې کړي وی. هغه د پوځ نه پوښتي و چې د نړۍ د یو ملک پوځ هم کاروبار او سوداگري نه کوي نو د پاکستان پوځ یې ولي کوي. هغه ویلې و چې پوځ دې ورته ځواب ورکړي چې ولي د سیمټو نه واخله د غوښې پورې شیان خرڅوي.