د افغانستان نه ماتې په پاکستان کې د کرکټ مینه وال اندیښمن کړیدي او هغوي د پاکستان د کرکټ بورډ نه غوښتي چې دغې ته دې پام وکړي
د افغانستان د لوبدلې د لاسه دغه ماتی په پاکستان کې د کرکټ مینه وال اندیښمن کړیدي. د پاکستان په مختلفو ټلویژنونو او ټولنیزو رسنیو د نولس کلونو د اسیا د جام د فاینل لوبې په هکله مختلفې تبصرې وشوی. په تبصرو کې زیاتره د کرکټ مبصرینو د افغانستان د لوبډلې ښه لوبه وستایله.
د افغانستان د کرکټ د نولس کلنو لوبډلې د اسیا په کچه په لومړي ځل د نوولس کلنو کپ گټلی. افغانستان په فاینل لوبې کې د پاکستان لوبډلې ته ماتې ورکړه.
په دغه بحثونو کې د پاکستان د جیو ټلویژن په پروگرام کې یو پخواني کرکټر سکندر بخت وویل چې افغانانو چې په داسې شرایطو کې کومه لوبه زده کړیده نو هغه د ستایلو وړ ده خو پاکستان بیخي هیڅ لوبه ونکړه او دا د پاکستان د کرکټ د راتلونکې لپاره د اندیښنې خبره ده.
رمیز راجه په خپل ټویټر کې لیکلي دي چې د پاکستان د خرابې لوبې نه وروسته باید په دی مسله بحث وشي او د سمولو کوښښ یې وشي. هغه لیکلي.
Congrats to Afghanistan for a well deserved Asia Cup Under-19 crown.Such a result at times can be useful to encourage a debate.Under-19 remains an important tributary of our cricket waterways. Time to revisit our junior cricket & as a start let an icon head all under age crkt
— Ramiz Raja (@iramizraja) November 19, 2017
"د افغانستان د نولس کلونو لوبډلې ته مبارکې وایم. داسې نتاېج د بحث پیلولو لپاره ضروري دي. د نولس کلونو کرکټ اوس هم د کرکټ مهمه برخه ده. اوس وخت رارسیدلی دی چې مونږ د خپل کشرانو کرکټ سمولو ته پام وکړو."
د ډان ورځپاڼې سره د سپورټس خبریال عبدالغفار لیکي
Batting problems for Pakistan again and this time at U 19 level and vs rising Afghanistan .35/4 in chase of 249. #PAKvAFG #Final #AYC
— Abdul Ghaffar (@GhaffarDawnNews) November 19, 2017
"د پاکستان لوبډله یو ځلې بیا د بیټنگ سره ستونزې لري او دا وارې د نولس کلونو لوبډله یې د راځلیدونکې افغانستان په وړاندې لري."
په پاکستان کې د پیښور ځلمي د لوبډلې مالک جاوید افریدي د افغانستان لوبډلې ته مبارکي ورکړیده
Congratulations to Afghanistan Cricket Board for their first ever U19 Asia cup win.... https://t.co/5RYYE4h31I pic.twitter.com/Orf2yerntM
— Javed Afridi (@JAfridi10) November 19, 2017
د افغانستان پاکستان ته په دومره لوې توپیر ماته ورکول دا څرگندوي چې په افغانستان کې د کرکټ لپاره د نامساعده شرایطو باوجود د کرکټ راتلونکې روښانه دی.