د هغه پاکستاني پولیس افسر چې د اکتوبر په ٢٧ د اسلام اباد نه برمته شو او د چارشنبې په ورځ یې د افغانستان سره په پولې مړی وموندل شو، زوی د خپل لار د وژنې د تحقیقاتو لپاره د نړیوال کمیسیون جوړیدو غوښتنه کړیده.
د وژل شوي پاکستاني پښتون پولیس زوی امجد طاهر د خپل پلار د جنازی په مراسمو کې راټول شوې خلکو ته په وینا کې وویل "زه د خپل ملک نه سوالونه لرم او د ځواب په هیله یم چې زما د پلار سره دا بې عدالتي ولې وشوه؟ زه غواړم زما د پلار د قتل تحقیقات یو نړیوال کمیسیون وکړي ځکه چې په دی کې دوه ملکونه ککړ دي."
د طاهر داوړ د زوی دا وینا په ټویټر شریکه شوه:
Description: [English Subtitles] The son of #TahirDawarShaheed demands that an international commission should investigate his father%27s murder and that DG ISI, IG KP and IG Islamabad should resign.#JusticeForTahirDawar pic.twitter.com/QIGQkrrYfE
— Justice For Pashtuns (@justice4pashtun) November 15, 2018
هغه زیاته کړه چې پلار یې د اسلام اباد نه لادرکه شویدی او په افغانستان کې یې مړی وموندل شو.
د پښتون تحفظ تحریک مشرانو هم د طاهر د وژنې د تحقیقاتو لپاره د نړیوال کمیسیون د جوړیدو غوښتنه کړیده،
محسن داوړ امریکاغږ ته د دې پوښتنې په ځواب کې چې ولې د یو نړیوال کمیسیون د تحقیقاتو غوښتنه کوي، وویل چې طاهر داوړ چې کله لادرکه شو نو پولیس او حکومت بیخې د هغوي د موندلو لپاره هیڅ کوښښ ونکړ. داوړ زیاته کړه، "پدی کې دوه ملکونه دي، د پاکستان تحقیقاتي ډله افغانستان ته نشي ورتلی او د افغانستان نه داسې یوه ډله پاکستان ته نشي راتللی نو ځکه یوه نړیوال تحقیقاتي کمیسیون پکار دی."
په عین وخت کې د پاکستان پوځ یو ځلې بیا په افغانستان تور ولگاوه چې د طاهر داوړ د قتل نه وروسته د افغان چارواکو رویه دا څرگندوي چې په افغانستان کې نه یواځې ترهگرې ډلې بلکه نورې وسیلې هم ککړې دي.
Brutal murder of SP Tahir in Afg is highly condemnable. We have lost a brave police officer. His abduction, move to Afg, murder and follow up behaviour of Afg authorities raise questions which indicate involvement or resources more than a terrorist organisation in Afg. (1of2).
— Maj Gen Asif Ghafoor (@OfficialDGISPR) November 15, 2018
د پاکستان د پوځ ویاند په خپل ټویټ کې دا هم لیکلي چې د داوړ د وژنې تحقېقات روان دي.
له بلې خوا د پښتون تحریک مشر منظور پښتون او پلویانو یې د طاهر داوړ وژنه د پښتنو 'منظمه وژنه' بللی ده او د ملک په مختلفو برخو کې یې احتجاجونه پیل کړیدي.