په پاکستان کې د حقونو پښتنو فعالانو په ټولنیزو رسنیو یو کمپاین پیل کړیدی چې وایي "زه هم افغان یم."
دا کمپاین د هغې نه وروسته پیل شو چې په اسلام اباد کې د یوې وژل شوې ماشومې په اړه د پاکستان مشهور ټيلوژن اې آر وایي پخپل رپورټ کی وویل چې "دغه د پي ټي ایم پراپیگنډه ده، ځکه وژل شوي فرښتنه مومند افغانه ده او پلار یې جعلي اسناد لري."
فرښته مومند یوه لس کلنه ماشومه وه چې د می په ١٥ د کوره لادرکه شوه او بیا د می په ٢٠ نیټه یې مړی په یو نژدی ځنگل کې پداسې حال کې وموندل شو چې جنسي تیری پري شوي و.
کله چې د فرښتې پلار د عدالت لپاره احتجاج پیل کړ نو د پي ټي ایم مشرانو پکې هم برخه واخیسته چې دغه بیا اې آر وایي پراپیگنډ وبلله.
د پاکستاني ټلویژن د دغه رپورټ د خپرویدو نه وروسته د بشري حقونو فعالانو سخت غبرگون وښود. ځنیو فعالانو د نورو نه وغوښتل چې د دغه چینل مقاطعه دې وکړي او ځینو نورو بیا په ټویټر هیش ټیگ پیل کړ چې ټول پښتانه افغانان دی.
د وزیرستان نه د پارلمان غړی محسن داوړ په خپل ټویټر ولیکل
جغرافیې بدلبږی خو قامونه نه بدلیږیزه افغان ووم، افغان یم او افغان به ووم#BoycottARYNews #میں_بھی_افغان_ہوں
— Mohsin Dawar (@mjdawar) May 22, 2019
په دغه هیش ټیگ کې د یو څو ساعتونو په وخت کې په سلگونو کسانو ټویټونه وکړل او د چینل چلند یې په سختۍ وغنده.
د ټویټر یو کارونکي سرحد مومند لیکلي:
#میں_بھی_افغان_ہوںThe whole Pashtuns are Afghan and we proud of Afghans. We as Afghans have five thousand years old history.#BoycottARYNews pic.twitter.com/n8mITWxiHR#BoycottARYNews
— سر حد پختون مومند (@SarhadMomand) May 22, 2019
"ټول پښتانه افغانان دي، زه پدی ویاړم چې افغان یم. مونږ ٥ زره کلن تاریخ لرو."
د ټولنیزو رسنیو فعال خوشحال خټک په خپل ټویټر ولیکل:
د افغان په ننګ مې وتړله تورهننګيالې د زمانې خوشحال خټک يم#میں_بھی_افغان_ہوں#BoycottARYNews
— Khushal Khan (@Khushal_Khattak) May 22, 2019
د کویټې یو خبریال مالک اڅکزي هم په دغه ټرینډ کې برخه واخیسته. هغه پدې موضوع پرله پسې څو ټویټونه وکړل. اڅکزی لیکي:
Being Afghan is historical fact and identity how can one change it when you%27ve your thousands of years history linked to the same identity, culture, geography, civilization, heroes? #میں_بھی_افغان_ہوں
— Malik Achakzai (@MalikAchkJourno) May 22, 2019
" افغانیت یو تاریخي حقیقت او پیژندگلو ده. خپله د زرگونو کلونو تاریخ او پیژندگلو څوک خنگه بدلولی شي."
د پي ټي ایم مشرې ثنا اعجاز هم څه داسې ولیکل:
زہ افغانه او قامپاله يم!
— Sanna Ejaz(سیاله) (@sanaejaz2) May 22, 2019
په پاکستان کې پښتنو پرله پسې حکومت او ادارې تورنې کړیدي چې د هغوي اساسي حقونه ځبي خو حکومت دغه تورونه ردوي.