د افغانستان د کورنیو چارو وزارت وایي په موټر سایکل دوه سپرو کسانو د سیاسي چارو کارپوه وحید مژده په ډزو وژلی او تښتېدلي دي.
د وزارت ویاند نصرت رحیمي وایي چې ښاغلی مژده د چهارشنبې په ماښام (نومبر۲۰) د لمانځه لپاره جومات ته روان و چې د روسیې سفارت ته نژدې پرې برید شوی او وژل شوی دی. د وحید مژده کور همدغه سیمه کې دی.
ښاغلي رحیمي په خپل ټویټر کې لیکي دي چې د پېښې په اړه پلټنې پیل شوي دي. تر دې دمه کومې ډلې د دغه برید مسولیت نه دی منلی.
حوالی ساعت 5 شام امروز وحيد مژده کارشناس مسائل سياسی هنگاميکه ميخواست به طرف مسجد غرض ادا نماز برود، در ساحه ی نزدیک سفارت روسيه از طرف دونفر موتر سايکل سوار ذريعه فير مرمی به شهادت رسيده است. قصیه تحت کشف و بررسی پولیس قرار دارد.
— Nasrat Rahimi (@NasratRahimi12) November 20, 2019
وحید مژده د سیاسي چارو کارپوه وو چې د طالبانو د (اسلامي تحریک) پرمهال د بهرنیو چارو وزارت مامور و. د ده نظریات طالبانو ته نژدې بلل کېدل.
دا برید داسې مهال کیږي چې څو ورځې مخکې د سیاسي چارو یو بل کارپوه محمد حسن حقیار هم په یو برید کې ژوبل شو. پولیس وايي چې پر ښاغلي حقیار د برید په تور یو مشکوک کس نیول شوی دی، خو لا یې د پلټنو نتیجه معلومه نه ده.