پاکستاني چارواکي وايي په دغه هیواد کې د مسافر وړونکي الوتکې د لوېدو پېښه کې د ۹۹ کسانو له ډلې ۹۷تنه مړه شوي او دوه ژوندي پاتې شوي دي.
د دغه هیواد د هوايي شرکت (پي آی اې) الوتکه پرون جمعه د کراچۍ ښار د هستوګنو په سیمه کې ولوېدله.
د پاکستان د سند صوبې د روغتیا وزارت نن شنبه مۍ۲۳ (غبرګولې۳) ویلي چې په غورځېدلې الوتکه کې د ۶۶ مړو شوو کسانو جسدونه جناح او ۳۱ نور جسدونه سېول روغتون ته انتقال شوي دي.
Final #PlaneCrash update for today:Total people on board: 99Total deaths: 97Survivors: 0266 dead bodies were brought to JPMC and 31 were brought to CHK. 19 bodies have been identified so far.
— Health and Population Welfare Department, Sindh (@SindhHealthDpt) May 23, 2020
دغه الوتکه له لاهور څخه کراچۍ ته پر لار وه چې له کېنستو څخه لږ وروسته غورځېدلې ده.
پر همدې مهال د سند حکومت ویاند رویټرز خبري اژانس ته ویلي چې په دوو ژغورل شوو کسانو کې یو د پنجاب د مرکزي بانک رئیس مسعود ظفر شامل دی او بل د محمد زبیر په نوم یو انجنیر دی.
تر اوسه د دغې الوتکې د لوېدو لامل نه دی په ډاګه شوی.
د پاکستان د پوځ ادارې هم ویلي چې په په لوېدله الوتکه کې ۹۷ تنه مړی شوي، دوه ژوندي پاتې او د هستوګنې ۲۵ کورونه زیانمن شوي دي.
Update #PIA Incident:Rescue Op in progress by Army Search & Rescue Team, Army troops, Rangers & social welfare orgs. 97 bodies recovered. 2 passengers survived. 25 affected houses cleared, their residents accommodated at various places with assistance of Civil Administration.
— DG ISPR (@OfficialDGISPR) May 23, 2020
په ۲۰۱۶ کې د همدغه هوایي شرکت یوه بله الوتکه د چترال نه اسلام اباد ته په لار د حویلیا په سیمه کې غورځېدلې وه چې ۴۸کسان په کې مړه شوي وو.