د افغانستان جمهور رئیس محمد اشرف غني د پنجشنبې په ورځ سهار جون ۲۴ (چنګاښ درېیمه) واشتګټن ډي سي ته ورسید او ټاکل شوې چې په دغه دوه ورځني سفر کې د جمهور رئیس جو بایډن، د مانګرس او سنا د غړو او یو شمیر نورو امریکایي مقاماتو سره وګوري.
ټاکل شوې، چې جمهور رئیس غني به د جمعې په ورځ جون ۲۵ (چنګاښ څلورمه) په سپینه ماڼۍ کې د امریکا د متحده ایالاتو د جمهور رئیس جو بايدن سره وګوري.
د افغانستان جمهوري ریاست وايي، چې جمهور رئیس محمد اشرف غني د چهارشنبې په ماښام جون ۲۳ (چنګاښ ۲) د یو لوړ پوړې دولتي پلاوي په مشرۍ د امریکا د جمهور رئیس جو بایډن په بلنه په دوه ورځني سفر امریکا ته لاړ.
ټاکل شوې ده، چې جمهور رئیس غني او پلاوی به یې د امریکا د جمهور رئیس جو بایډن سربیره د امریکا له دولتي مقاماتو او اغېزناکو شخصیتونو سره به هم وګوري.
رئیس جمهور محمد اشرف غنی در سفر به آمریکا با رئیس جمهور جو بایدن، نانسی پلوسی رئیس مجلس نمایندگان، چاک شومر و میچ مکانل رهبران احزاب اکثریت و اقلیت مجلس سنا، رهبری کمیته های روابط خارجه مجالس سنا و نمایندگان، لوید آستین وزیر دفاع و سایر مقامات ارشد امنیتی و اقتصادی آمریکا ۱/۲ pic.twitter.com/Qz11b4KLj5
— Mohammad Amiri (@AmirKalantarM) June 24, 2021
د ارګ په اعلامیه کې ویل شوي، چې جمهور رئیس غني به په دې سفر کې د جمهور رئیس بایډن، د کنګرس او سنا له اکثریت او اقلیت د ګوندونو د مشرانو او یو شمیر جګپوړو امریکايي چارواکو او سیاستوالو سره د دواړو هېوادونو ترمنځ د اړیکو پر نوي پړاو، د ډیپلوماتیکو اړیکو پر پیاوړتیا او د افغانستان د دفاعي او امنیتي ځواکونو پر تمویل او تجهیز او یو شمیر نورو مسلو خبرې وکړي.
د افغانستان د جمهوري ریاست د ویاند مرستیال محمد امیري وپه خپل ټویټر باندې لیکلي دي چې پدې لیدنه کتنه کې به د کابل او واشنګټن ترمنځ د اړیکو په نوي باب، د دپلوماتیکو اړیکو په لا غښتلي کولو، د افغان دفاعي او امنیتي ځواکونو تمویل، تجهیز او ملاتړ، د افغانستان د اقتصادي او انکشافي برخو سره د متحده ایالاتو همکاري او د تروریزم په وړاندې ګډه مبارزه باندې بحث وشي او نظریات به سره شریک کړي.
جمهور رئیس غني سره په دې سفر کې د هغه لومړی مرستیال امرالله صالح د ملي مصالحې عالي شورا رئیس عبدالله عبدالله ، د ملي امنیت سلاکار حمدالله محب او یو شمیر نور چارواکي ملګرتیا کوي.
.