په افغانستان کې د ملګرو ملتونو مرستندویه پلاوي نن د مۍ په درېیمه د مطبوعاتو د نړیوالې ورځې په ویاړ ویلي چې " ټولې خواوې باید د سولې په هر ډول خبرو اترو کې د بیان د ازادۍ د حق په شمول چې د بشري حقونو د نړیوالې اعلامیې په ۱۹مه ماده کې ځای پرځای شوي ټولو اساسي بشري حقونو ته پام وکړي".
د افغانستان لپاره د ملګرو ملتونو د عمومي منشي ځانګړې استازې میرمن دیبرا لاینز نن یکشنه مۍ۳ ( غوايي ۱۴) د مطبوعاتو د نړیوالې ورځې په مناسبت ویلي چې افغانستان په جنوبي اسیا کې د رسنیو د کثرت او پراختیا په برخه کې یو مخکښ هیواد دی.
هغې همداشان ویلي چې هیچا ته باید دا اجازه ورنه کړل شي چې په افغانستان کې د مطبوعاتو د ازادۍ په برخه کې دغه مهم پرمختګ وګواښي.
د بخښنې نړیوال سازمان هم د افغان خبریالانو د کار او فعالیت ستاینه کړې ده.
دې سازمان لیکلي چې: "افغان خبریالان د نړۍ د زړورو په کتار کې دي. هغوی د خپلو وظیفو د ترسره کولو لپاره جدي خطرونو، ارعاب، آزار او اذیت، تاوتریخوالي او حتی مړینې سره مخامخ کیږي. پدغه کړکیچ کې هغوی په لومړۍ لیکه کې دي او د خلکو د مصونیت لپاره کار کوي. د هغوی ساتنه باید هم وشي."
Afghanistan%27s journalists are among the bravest in the world. They take great risks to do their jobs, facing intimidation, harassment, violence and death. In this crisis, they are at the forefront, helping keep people safe. But they need to be protected, too. #ProtectEveryone pic.twitter.com/zuQTiIDhUc
— Amnesty International South Asia (@amnestysasia) May 3, 2020
د شمالي اتلانتیک تړون ناټو سازمان هم د افغان خبریالانو فعالیت ستایلی دی. دغه سازمان په خپله ټویټر پاڼه لیکلي: "مونږ د افغان زړورو رسنیو کار ته سلام کوو. د ناامنیو سره سره هغوی هره ورځ هڅه کوي چې د افغانستان خلکو ته معتبر او د باور وړ معلومات برابر کړي او له بنسټونو څخه حساب کتاب وغواړي. خبریالان هم د لومړۍ لیکي کارکوونکي دي."
On #WorldPressFreedomDay, we salute the work of brave Afghan media. Despite constant insecurities,they strive every day to provide people of #Afghanistan with credible & reliable information,holding institutions to account.Journalists are front line workers too #COVID19#WPFD2020 pic.twitter.com/VuCHtz2fAO
— NATO in Afghanistan (@NATOscr) May 3, 2020
په کابل کې د برتانیا سفارت هم په یوه اعلامیه کې یو ځل بیا په افغانستان کې د رسنیو د او د بیان د آزادۍ څخه د ملاتړ ژمنه کړې ده. دوی ویلي دي چې له دوو میاشتو راهیسې بریتانیا او کاناډا د مطبوعاتو د آزدۍ څخه د ملاتړ د نړیوال کمپاین مشري کوي چې افغانستان یې هم تازه غړی شوی دی.
ه بلې خوا د ملګرو ملتونو عمومي منشي انتونیو گوتیریش، له حکومتونو غوښتي چې د رسنیو د آزتدۍ او خبریالانو نه ملاتړ وکړي چې هغوی وکړای شي د کروناویروس د وبا په ترڅ او له هغې وروسته خپلې دندې په ښه توګه ترسره کړي.
هغه ویلي: "خبریالان او د رسنیو کارکوونکي په سم تصمیم نیولو کې له مونږ سره مرسته کوي؛ هغه تصمیمونه چې کیدای شي د ژوند او مرګ ترمنځ مسایلو باندې اغیز ولري."
Journalists & media workers help us make informed decisions that could make the difference between life & death.On #WorldPressFreedomDay, I call on governments to protect media freedom & support journalists so they can do their jobs throughout the #COVID19 pandemic & beyond. pic.twitter.com/mOwBDCxRMU
— António Guterres (@antonioguterres) May 3, 2020
له دې سره جوخت د افغانستان د خبریالانو د مصونیت کمیټه وایي چې د کووید۱۹ ناروغۍ په پخپریدو سره یو شمیر افغانې رسنۍ د مالي کړکیچ سره مخامخ دي.
ددې کمیټې مسول نجیب شریفي خبریالانو ته وویل چې په کابل او ولایتونو کې یو شمیر رسنۍ د کروناویروس د کړکیچ په خاطر خپل زیات شمیر کارکوونکي ګوښه کړي او یو شمیر نورې رسنۍ د معاش ورکولو جوګه ندي.
ښاغلي شریفي د افغان حکومت او نړیوالې ټولنې وغوښتل چې د رسنیو د خپلواکۍ د ساتنې په پام کې نیولو سره رسنیو سره مالي مرستې وکړي. هغه خبرداری ورکړ چې که پدې هکله اقدام ونشي پدې هیواد کې د بیان د آزادۍ په هکله لاس ته راوړنې کیدای شي له لاسه ووځي.