د پي ټي ایم په مشرانو د تحریک د یو وژل شوي غړي د جنازې په مراسمو کې د گډون نه وروسته په لاره ډزې شویدي
د پښتون تحریک د مشرانو منظور پښتین، علي وزیر او محسن داوړ برسیره د لسگونو کسانو یوه کاروان د ابراهیم ارمان لوڼي د جنازې په مراسمو کې د گډون نه وروسته بیرته سفر کاوه چې په لاره کې پرې د محسن داوړ له قوله 'امنیتي چارواکو' ډزې وکړې.
د پښتون تحریک یو مشر محسن داوړ په یو ټویټ کې ولیکل چې د پاکستان د پوځ یو چارواکي پرې ډزې کړیدي، موټر یې لگیدلی خو هغوي خوندي دي.
A military official opened fire on our vehicle near the outskirts of Qila Saifullah, a bullet damaged our car but fortunately we are all safe.#Sharamnak
— Mohsin Dawar (@mjdawar) February 3, 2019
د کاروان سره مل د پي ټي ایم یو غړي ادریس محسود د پیښې په وخت فیس بک لایئو کاوه. د هغه کیمره بنده ده خو غږونه یې اوریدل کیده.
د تحریک غړیو دغه پیښه سمدستي غندلې ده او د حکومت نه یې غوښتي دي چې په بی وسلې کسانو دې حمله نه کوي.
د پي ټي ایم غړي ثنا اعجاز په خپل ټویټر ولیکل
ریاست کا ارمان کو مارنے کے بعد بھی دل نہیں بھرا.. علی وزیر، منظور پشتین، محسن داوڑ اور حیات پریغال کی گاڑی پر فائرینگ.. شکر خدا کا سب ٹھیک ہیں.#StateKilledArmanLoni
— Sanna Ejaz(سیاله) (@sanaejaz2) February 3, 2019
"د دولت د ارمان لوڼی په قتل لا زړه ندی یخ شوی نو اوس یې په منظور پښتین، علي وزیر او محسن ډزې کړیدي. د خدای شکر دی چې هغوي ته خیر شویدی."
د قافلې سره شریک د تحریک یو غړي امریکاغږ ته د نوم نه ښودولو په شرط وویل چې "کله د پاکستان امنیتي ځواکونو د علي وزیر په موټر ډزې پیل کړی نو هغه ورته د موټر نه د باندې ووت او ورته یې وویل چې داسئ، ما ووژنئ چې تاسو خوشحاله شئ."
د یادونې وړ ده چې دغه کسان لا اوس هم په لاره په سفر کې دي او وایي چې شاوخوا د دولسو پنځلسو موټرو کاروان ورسره دی.
د پاکستان حکومت تر اوسه پورې د پي ټي ایم د دغه تورونو په اړه څه ندي ویلي.