د پاکستان د پارلمان او د پښتون ژغورنې د غورځنګ غړي محسن داوړ او علي وزیر نن شنبې د سپتمبر په ٢١ د خیبر پښتونخوا د هري پور د زندان نه په ضمانت خوشې شول.
دوي دواړه وروسته تر هغه حکومت ونیول او بندیان یې کړل چې د شمالي وزیرستان د خړ کمر په سیمه کې د مظاهره چیانو او پوځ تر منځ خونړی اخ او ډب وشو. محسن داوړ په ټویټر کې لیکلي چې "د هریپور په زندان کې مونږ په هغو کوټو کې بندیان وو چې د ترهګرو لپاره جوړې شوې وې."
From May to Sep we were kept first at Peshawar jail & then at Haripur. During this transition the State decided to further increase its pressure as in Haripur we were kept in cells marked for terrorists. There was no mobility in jail, we had no access to news & other facilities-2
— Mohsin Dawar (@mjdawar) September 21, 2019
ښاغلي دواړ همدرانګه ویلي چې په زندان کې ګرځیدی راګرځیدی نشو او مطبوعاتو ته یې هیڅ لاسرسی نه درلود.د پښتون ژغورنې دغه مخکښ غړي همدارنګه ویلي دي چې د خپل ولس د حقونو د تر لاسه کولو لپاره "د خپل سر نه هم تیر دی او زندان خو ډیر وړوکی قیمت دی". ښاغلي دواړ همدرانګه ویلي دي چې خپله مبارزه نه پریږدي او د خپل ولس لپاره سوله او برابر حقوق غواړي.
We are willing to lay our lives for our ppl, jails are a very small price. I would like to thank all of those who raised their voice for our release. There are too many names but one that I must mention is @BBhuttoZardari for his unwavering support both in & out of parliament. -4
— Mohsin Dawar (@mjdawar) September 21, 2019
د پاکستان پوځ د پښتون ژغورنې په غورځنګ تور لګوي چې د هند او افغانستان استخباراتي ادارې ورسره په پاکستان کې د ناامنۍ د پیدا کولو لپاره مالي مرستې کوي خو پي ټي ایم دغه تورونه ردوي.
محسن داوړ په حکومت تور لګولی چې د خړ کمر د پیښې نه وروسته حکومت د بشري حقونو سرغړاونې زیاتې کړي او په زندان کې یې د علي وزیر او دده سره ښه چلند ندی کړی. د پاکستان د صدراعظم عمران خان د حکومت ویاند د ښاغلي داوړ پدې تورونو د تبصرې نه ډډه کړې ده.