د پاکستان ISI او د هند RAW دواړه د یو بل دښمنې استخباراتي ادارې گڼل کیږي. پرون د شنبې په ورځ د دغو ادارو پخواني مشران په لندن کې په یوې مباحثې کې یو بل ته مخامخ شول.
د دغو دواړو ادارو د پخواني مشرانو عکسونو په سوشل میډیا ځکه تاتوده بحثونه را وپارول چې د دواړه ادارو مشران پکې د یو بل سره په ټوقو او خندا ښکاري. د پاکستان د ISI اداره او پوځ په پاکستان کې په پرله پسې توگه دا خبره کوي چې هند یې دښمن ملک دی او په پاکستان کې د ترهگرو سره مرسته کوي.
د پاکستان د استخباراتي ادارې پخوانی مشر احسان الحق او د هند د استخباراتي ادارې پخوانی مشر امرجیت سنگ په برتانیې کې په (لندن سکول اف اکنامکس) کې د استخباراتي ادارو د رول په هکله په یوه مباحثې کې برخه واخیسته.
په پاکستان کې د دغو دواړو پخواني مشرانو د عکسونو په هکله تر ټولو زیات داسې ټویټونه وشول چې د دوي ترمنځ ملگرتیا کیدی شي نو بیا د هند او د پاکستان د خلکو ترمنځ ملگریتا ولې نشي کیدی.
د پاکستان د یو ټلویژن سره خبریال روف کلاسره په ټویټر کې لیکلي چې خوشحاله شوم د پاکستان او د هند د استخباراتي ادارو پخواني مشران مې د یوبل سره په خندا ولیدل. اوس پکار ده دغه دواړه د دواړو ملکونو ترمنځ د سولې لپاره کار وکړي او خلک دې په سولې کې پریږدي.
Former ISI Chief with former RAW Chief.Good to see them laughing. Now both gentlemen should help both countries come close&let peace prevail pic.twitter.com/ano7dzPpIi
— Rauf Klasra (@KlasraRauf) October 7, 2017
د پاکستان د حکومتي د مسلم لیگ نون گوند یوه فعاله غړي ساره جواد لیکلي چې که د هند د استخباراتي ادارې د یو مشر سره د پاکستان سیاستدان ملاقات کړی و نو تر اوسه پورې به پرې د کفر فتوی لگیدلې وه. هغه لیکي
Ex ISI chief meets x RAW boss. No rally, no fatwa, no talk show, no Dawn Leaks, no Volume 10. Imagine if it was a Pak Democratic politician? pic.twitter.com/eznoyuXj94
— Sarah Jawad (@SarahJawadKhan) October 7, 2017
په پاکستان کې د مدني حقوقو د فعال جبران ناصر ټویټ شاوخوا ٩٠٠ ځلې شریک شویدی. هغه د پاکستان په استخباراتي ادارې طنز کړیدی او وایي چې د پاکستان او د هند د استخباراتي مشرانو د دغه ملاقات نه وروسته نه د چا د وطن سره په مینې شک وشو او نه چا ته د وطن غدار ویل شول.
Former ISI Chief sharing a light moment with former RAW Chief. Na kisi ki hubul watni pay shaq hoa na kisi ki desh bhakti pay sawal utha. pic.twitter.com/upj3m27XxO
— M. Jibran Nasir (@MJibranNasir) October 7, 2017
د پاکستان استخباراتي اداره د سوشل میډیا د کارکونکو ډیره سخته څارنه کوي او په هغو کسانو د شک نظر کوي چې د هند په هکله ښه نظر لري. نو هم دا وجه ده چې په ټویټر دغو عکسونو ته سخت عکس العمل ښودل شویدی.