په کابل کې د خورشید خصوصي ټلوېزیون پر کار کوونکو پرونی برید د بېلابېلو لورو لخوا غندل شوی دی.
پرون ناوخته په کابل ښار کې د خورشید خصوصي ټلوېزیون د کار کوونکو د عملې پر موټر چاودنه کې دوه ملکي وګړي ووژل شول او د دغه ټلوېزیون د درې کار کوونکو په ګډون څلور تنه ټپيان شول.
د بخښنې نړیوال سازمان په یوه اعلامیه کې د یاد برید د غندلو ترڅنګ ویلي، چې افغان حکومت باید په دې اړه جدي څېړنې وکړي.
دغه سازمان همدارنګه له افغان حکومت څخه غوښتي چې د یاد برید عاملین تر نیولو وروسته محاکمه کړي، ترڅو افغان خبریالان بېله کومې وېرې خپل کار ته دوام ورکړي.
افغان ولسمشر محمد اشرف غني هم پرون دوشنبه د «زمري پر ۱۳مه»پر خپل ټوېټر د یاد برید د غندلو ترڅنګ ویلي، چې د رسنیو کار کوونکي او ملکیان په نښه کول «جنګي جنایت» دی.
په کابل کې د امریکا سفیر جان بس هم دغه برید ته په غبرګون کې ویلي، چې ښکېلې خواوې د رسنیو او ملکي وګړو د په نښه کولو پر ځای باید سولې او د افغانستان پر راتلونکي تمرکز وکړي.
I condemn the latest senseless attack on media professionals and send my deepest condolences to the victims and their families. Attacks on civilians and media serve no purpose. All sides must focus on peace and the future of Afghanistan.
— John R. Bass (@USAmbKabul) August 5, 2019
هغه ویلي:"په افغانستان کې د رسنیو د کار کوونکو په نښه کول هېڅ معنا نه لري."
په کابل کې د اروپايي ټولنې سفیر هم پر یادې پېښې د خواشینۍ په ښودلو سره پر خپل ټوېټر لیکلي:"د خبریالانو د خاموشه کولو هڅې به، هغوی نور هم قوي کړي."
د دغه ټولنې سفیر پیري مایدون ویلي، چې اروپايي ټولنه به د افغان خبریالانو تر څنګ ولاړه وي.
Appalled by again an anonymous attack against a civilian target, this time media workers. Attempts to silence journalists will only reinforce them. Hommage to the brave and free voices of Afghanistan. EU stands by your side. #DefendMediaFreedom #NotACrime #NotATarget #KhurshidTV
— Pierre Mayaudon (@EUAmbAFG) August 4, 2019
د افغانستان لپاره د جرمني سفیر هم د خورشید ټلوېزیون پر کار کوونکو پرونی غندلی او هغه یې یو ناوړه عمل بللی دی.
په افغانستان کې د خبریالانو د ملاتړ بنسټونو هم دغه برید غندلی او افغان حکومت یې غوښتي چې د رسنیو د کار کوونکو امنیت ته پام وکړي.
د«SITE intel Group» د راپور له مخې د دغه برید مسؤلیت داعش وسله والې ډلې په غاړه اخیستی دی.
تېره میاشت وسله والو طالبانو ه یو شمېر رسنیو ته خبرداری ورکړ که د دوی پر ضد تبلیغاتي اعلانات بند نه کړي هدف به یې وګرځوي.
په افغانستان کې د ازادو رسنیو د ملاتړ او یا نی د راپور له مخې د ۲۰۱۹ میلادي له پيل څخه تر دا مهاله د خبریالانو په ګډون د رسنیو ۹ کار کوونکي وژل شوي دي.