د پنجشنبې په ورځ (اکتوبر۱۸) په کندهار کې د والي په دفتر کې په یو برید کې امنیه قومندان جنرال رازق او د دغه ولایت د امنیت مشر عبدالمومن حسین خیل ووژل شول.
والي ژوبل شوی دی او چاروکي وايي تر درملنې لاندې دی. طالبان ادعا کوي چې برید دوی کړی دی.
ولسمشر غني د افغانستان په ملي راډیو تلویزون کې په خپلې وینا کې وویل دا یوه دردوونکې پېښه وبلله او وویل چې د افغانستان د دفاع وزیر، د ملي امنیت مشر او یو شمېر کمانډو ځواکونه کندهار ته ځي چې امنیتي حالت وارزوي.
اجرايي رئیس عبدالله عبدالله ویلي دي چې د جنرال رازق وژل کېدل یوه نه جبرانېدونکې پېښه ده.
د افغانسان د ملي امنیت دوو پخوانیو مشرانو امرالله صالح او رحمت الله نبيل هم دا پېښه غندلې ده او جنرال رازق یې د هېواد رښتینی او زوړر سرتېری یاد کړی دی.
با کلمات نمیتوانم اندوه از دست دادن برادر عزیز و هسمنگر گرامی ام جنرال عبدالرازق را بیان نمایم. او نماد راستین از وطن دوستی و شجاعت بود او توانسته بود شبکه گسترده و ریشه دار مردمی را برای حمایت از نیرو های تحت فرمانش ایجاد نماید و ثبات را درقندهار حکفرما سازد. کشورم اندوهگین است.
— Amrullah Saleh (@AmrullahSaleh2) October 18, 2018
It is a sad day for AFG. We lost a true SON & a pillar of stability of this land. I am sure PAK/GHQ are celebrating now. After the martyrdom of Late Ahmad Shah Massoud the death of Gen Raziq will have serious consequence for AFG. The nation should be united, ready/prepared. pic.twitter.com/4BKyHs6tLg
— Rahmatullah Nabil (@RahmatullahN) October 18, 2018
د بلخ مخکني والي عطا محمد نور دا پېښه یوه توطیه بللې ده. هغه په خپل فیسبوک کې لیکلي دي چې څنګه امکان لري د ولایت په ودانۍ کې دننه دې داسې یوه پېښه وشي.
د دې تر څنګ جنرال رازق ته ځینو افغانانو په دري او پښتو کې مرثیې او شعرونه هم لیکلي د ي. په شعرونه کې د هغه میړانه ستایل شوې او د هغه وژل لویه ضایعه بلل شوې ده.
د هند او پاکستان غبرګونونه
پر افغان چارواکو سربېره د هند لومړي وزیر نریندرا مودي هم په دې پېښې خواشيني ښولې ده. د هغه دفتر په ټویټر کې دا یو ډارن برید بللی دی او ویلي دي چې هند به د افغانستان له خلکو سره ولاړ وي.
Deeply shocked and saddened by the dastardly terrorist attack in Kandahar. India condemns it most strongly and mourns with our Afghan brethren the loss of life, including that of Kandahar%27s senior leadership: PM @narendramodi
— PMO India (@PMOIndia) October 18, 2018
د پاکستان پوځ هم دا پېښه غندلې ده. د پوځ ویاند اصف غفور په خپل ټویټر کې هیله ښودلې ده چې په افغانستان کې روان جنګ ختم شي او امنیت راشي. هغه د افغانستان امنیت د افغانستان د سیمې له ثبات سره تړلی بللی دی.
COAS condemns Kandahar incident. “Wish to see Afghan and other security forces succeeding to bring an end to this prolonged violence in Afghanistan. Peace in Afghanistan is essential for peace in the region. Support all initiatives towards this end”, COAS.
— Maj Gen Asif Ghafoor (@OfficialDGISPR) October 18, 2018
د افغانستان د کورنیو چارو وزارت وایي برید د افغان او بهرنیو چارواکو له غونډې وروسته شوی دی. وايي برید له کومې لفظي شخړې پرته شوې ده او په اړه یې تحقیقات روان دي.