ایتالیا دغه انتقادونه چی د دوی د سخت دریځ رژیم پر خلاف د کډوالو په تړاو کېږی رد کړي دي.
خو مظاهره چېانو د کډوالو د ډوبیدو او مرگ پړه د ا یتالیا د کورنیو چارو پر وزارت وراچوي.
په روم کې د چارشنبی په ورځ د جولای ١٨یو شمیر خلکو د کورنیو چارو د وزارت مخې ته مظاهره وکړله چې خپل لاسونه یې په سور رنگ ککړ کړي و او ظاهراً یې هدف دا و چی د ایتالیا حکومت په دې تورن کړي چې لاسونه ېې په وینو سره دي.
مظاهره وروسته ترهغه وشوه چې د هسپانیې د ژغورنې ېوې خیریه بیړۍ د لیبیا په ساحل کې یوه داسې متروکه ویجاړه بیړۍ پیدا کړله چې د یوې ښځې او یو ماشوم مړي پکې پراته و، او یوه بله ښځه یې ژوندۍ وژغورله.
دغه خیریه موسسه د لیبیا پر ساحلي ساتونکیو تور لگوي چې له کډوالو سره یې مرسته نده کړې.
د ایتالیا حکومت د دې اونۍ په سر کې پنځه نور اروپايي هېوادونه دې ته مجبورکړل چې ۴٥٠ کډوال ورسره شریک کړي.
د اروپايی ټولنې یوه اداره فرنټیکش وايی تقریبا درې زرو کډوالو تیره میاشت د مرکزي مدیترانې له لارې ایټالیا اومالتا ته غزېدلې لاره کارولې ده.
په دغه شمیر کې د تیرکال (٢٠١٧) د جون له میاشتې نه ٨٧ فیصده کموالی ښیي.
ملگري ملتونه وايي له وخت راهیسې چې د ایټالیا حکومت د خیریه موسسو بیړۍ اېټالیا ته له تللو ایسارې کړې دي، په اوو کډوالو کې یو تن په اوبو کې ډوبېږي.
هسپانیه اوس د کډوالو ستر شمیر قبلوي.
د جون په میاشت کې شپږ زره ا و ۴٠٠ کډوال هسپانیې ته ورغلي دي.
ټولټال هغه غېرمنظم کډوال چې اروپاته ورځي د ٢٠١٨ کال په اولو شپږومیاشتو کې د هغوی شمېر شپیتوزرو ته رسیده. دا شمیر د تیرکال د همدې وخت په پرتله تقریبا نیمايي شمیر څرگندوي.