د افغانستان لپاره د پاکستان ځانګړی استازی محمد صدیق وايي، ټاکل شوې د انګور اډې او (خارلاچي) سوداګریزې لارې د افغانستان او پاکستان ترمنځ د دوه اړخیزې سوداګرۍ پر مخ پرانېستل شي.
ښاغلي صدیقي ویلي چې یادې سوداګریزې لارې د روانې جولای میاشتې پر ۱۲مه نېټه د دواړو لورو د یو لړ اړینو هوکړو له مخې پرانیستل کیږي.
نوموړي نن پنجشنبه جولای ۲ (چنګاښ۱۲) پر خپل ټوېټر لیکلي چې د دواړو لورو ترمنځ تر هوکړې وروسته، ټاکل شوې دغه دواړه لارې د افغانستان سره د سوداګرۍ لپاره د جولای پر ۱۲مه خلاص شي.
Pakistan will open Angor Adda and Kharlachi border crossings for trade with Afghanistan. After necessary arrangements by both sides, the two crossings are likely to become operational on 12 July. Torkham, Chaman and Ghulam Khan crossings are already open since 22 June.
— Mohammad Sadiq (@AmbassadorSadiq) July 2, 2020
پر همدې مهال په اسلام اباد کې افغان سفیر عاطف مشعل د دواړو هیوادونو د دوه اړخیزې سوداګرۍ د ودې لپاره د پاکستان د حکومت د دغه اقدام هر کلی کړی دی.
ښاغلي مشعل ویلي چې د لازیاتو لارو پرانیستل به د دواړو هیوادونو ترمنځ د دووه اړخیزه د سوداګرۍ له ودې سره مرسته وکړي.
نوموړي پر خپل ټوېټر په دې اړه لیکلي کړې:"د پکتیکا انګور اډې او پکتیا ډنډي پټيان لارې د جولای پر ۱۲مه د دوه اخیزې سوداګرۍ پر مخ پرانیستل کیږي."
Paktika%27s Angor Ada and Paktia%27s Dand-e Pathan (kharlachi)crossing will open for bilateral trade between Afghanistan and Pakistan until 12th July.This is an important step in strengthening bilateral trade between the two countries. @mfa_afghanistan @AmbassadorSadiq @razak_dawood
— Atif Mashal عاطف مشعل (@MashalAtif) July 2, 2020
د پاکستان حکومت چې شااوخوا څلور میاشتې مخکې د تورخم او چمن لارې د کرونا ویروس له امله د افغان صادراتو پر مخ تړلې وې د تیرې جون میاشتې پر ۲۲مه نېټه یې بیرته پرانیستلې.
پاکستان د روان ۲۰۲۰ میلادي کال د مارچ د میاشتې په سر کې لومړی د چمن – سپین بولدک او بیا د مارچ په نیمايي کې د تورخم بندر د کرونا ویروس د وبا د خپریدو د مخنیوي د هڅو په لړ کې وتړل.
که څه هم له نږدې دوو میاشتو راهیسې پاکستان د تورخم او چمن – سپین بولدک بندرونه افغانستان ته د ترانزیتي مالونو د وارداتو پرمخ پرانیستي، خو په تیرو شاوخوا دریو میاشتو کې د افغانستان څخه پاکستان ته هر ډول صادرات بند شوي دي.