د افغانستان د روغتیا وزارت پخوانۍ وزیره، تکړه ډاکتره او لومړنۍ ښځینه جنراله سهیلا صدیق د ورپېښې ناروغۍ له امله ساه ورکړه.
هغه په دې وروستیو کې د «الزایمر» ناروغۍ څخه کړېده چې د چارواکو په وینا نن سهار وختي یې د۷۲ کلونو په عمر له یادې ناروغۍ څخه مړه شوه.
د افغانستان د عامې روغتیا وزیر ډاکتر احمد جاوید عثماني د ډاکترې سهیلا صدیق مړینه د هیواد او روغتیايي سکټور لپاره نه هیرېدونکې ضایع بللې ده.
د هیواد لومړۍ ښځینه جنراله، د افغانستان تکړه او صادقه ډاکټره، د عامې روغتیا وزارت پخوانۍ وزیره ډاکټره سهیلا صدیق، نن سهار له دې فاني نړۍ څخه سترګې پټې کړې. د هغې د مړینې په مناسبت هېوادوالو ته ډاډګیرنه ورکوم او مړینه یې نه هېرېدونکې ضایعه ګڼم. انا لله و انا الیه راجعون pic.twitter.com/LpLElwUA4h
— Ahmad Jawad Osmani (@ajosmani) December 4, 2020
نوموړې د شااو خوا ۴۰ کلونو لپاره د سردار محمد داود خان روغتون کې د ډاکترې په توګه خدمت کړی و او همدارنګه د څلور سوه بستریز روغتون رئیسه هم تېره شوې وه.
ډاکتره سهیلا صدیق د ۲۰۰۱ څخه بیا تر ۲۰۰۴ کال پوري د افغانستان د عامې روغتیا وزیره ILوه.
نوموړې تکړه ښځينه جراحي ډاکتره وه چې د چارواکو په وینا په زرګونو حراحي عملیات یې تر سره کړي و.
ډاکتره سهیلا صدیق د طب په برخه کې خپلې زده کړې په روسیه کې پای ته رسولي وې.