د افغانستان لپاره د امریکا د متحده ایالاتو ځانګړي استازي تامس ویسټ په اسلام آباد کې د افغانستان په هکله د اسلامي همکارۍ د سازمان غونډه ګټوره وبلله.
ښاغلي ویسټ د غونډې په هکله په ټویټر کې لیکلي چې متحده ایالات د اسلامي همکارۍ د سازمان د نقش او همکاریو هرکلی کوي.
هغه لیکلي، "د اسلامي همکارۍ د سازمان نننۍ غونډه ګټوره وه او مهمې نتیجې یې درلودې. د بشري مرستو د وجهي صندوق جوړیدل او د اسلامي همکارۍ د سازمان د ځانګړي استازي ټاکل کیدل یې بیلګې دي"
د اسلامي همکارۍ سازمان په اسلام آباد کې په افغانستان کې د بشري وضعیت پر سر د خبرو لپاره د دې سازمان د بهرنیو چارو د وزیرانو په ۱۷ مې فوق العاده غونډې کې د بشري، کلتوري او ټولنیزو چارو کې د دې سازمان د عمومي منشي مرستیال طارق علي بخیت د افغانستان لپاره ځانګړی استازی وټاکه.
دغه سازمان پدې هکله په ټویتر کې لیکلي چې ښاغلی بخیت به د افغان ولس سره د بشري مرستو د هڅو په همغږۍ کې همکاري کوي.
Secretary General of the Organization of Islamic Cooperation (OIC), Mr Hissein Brahim Taha, announced the appointment of Assistant Secretary General for Humanitarian, Cultural and Social Affairs Amb. Tariq Ali Bakheet as his Special Envoy on #Afghanistan,… pic.twitter.com/4Y8zj1aeVU
— OIC (@OIC_OCI) December 19, 2021
په دغه کنفرانس کې د د دې سازمان د شاوخوا ٥٧ غړو هيوادونو تر څنګ د امريکا متحده ايالاتو، چين، روسيې جرمني، فرانسې، برتانيې او ځينو نورو اروپايي هيوادونو استازو هم ګډون کړى و.
د طالبانو بهرنيو چارو وزير امير خان متقي هم د يو طالب پلاوي په مشرۍ په دغه کنفرانس کې ګډون کړی و.
دا په افغانستان کې د طالبانو تر واک ته رسېدو وروسته د دغه هيواد د بشري وضعيت په تر ټولو لوى کنفرانس دى چي جوړيږي.