د امریکا د ولمسشر او د کانګرس ګڼو غړیو په ایران تور لګولی چې په عراق کې یې د امریکا پر سفارت د عراقي ملیشو په برید کې لاس درلود.
د حشدالشعبي ملیشه ملاتړي د سه شنبې په ورځ ( دسمبر ۳۱) په عراق کې د حزب الله د کتایب ډلې په سرتیرو د امریکا هوایي بمبار د غندلو په موخه د امریکا د سفارت وړاندې لاریون وکړ او هڅه یې وکړه چې د سفارت ودانۍ ته ننوځي.
د امریکا د متحده ایالتونو ولسمشر، دونالډ ټرمپ د دغې پیښې لږ ځنډ وروسته په خپل ټویټر کې وویل چې دغه برید ایران پلان کړی و.
ښاغلي ټرمپ په خپل ټویټر کې داسې لیکلي: "ایران د امریکا یو قراردادي وواژه او څو کسان یې ټپيان کړل. مونږ یې قوي ځواب ووایه او په راتلونکي کې به هم همداسې کوو. اوس ایران په عراق کې د امریکا پر سفارت برید پلان کړ. دوي به ددې کار جواب وایي. مونږ تمه لرو چې عراق به د امریکا د سفارت د خوندیتوب لپاره له پوره ځواک څخه کار واخلي. "
Iran killed an American contractor, wounding many. We strongly responded, and always will. Now Iran is orchestrating an attack on the U.S. Embassy in Iraq. They will be held fully responsible. In addition, we expect Iraq to use its forces to protect the Embassy, and so notified!
— Donald J. Trump (@realDonaldTrump) December 31, 2019
همداراز د امریکا د بهرنیو چارو وزیر، مایک پمپيو د عراق له صدراعظم او ولسمشر سره تیلفوني اړیکه نیولې او هغوي ورته ډاډ ورکړی چې په عراق کې د امریکایي تاسیساتو کارکوونکو امنیت تامین دی.
د امریکا د بهرنیو چارو د وزارت ویاندې، مورګان اورتګاس په خپل ټویټر پاڼه کې د مایک پمپیو او عراقي چارواکو تر منځ د خبرو اترو په اړه په پوره وضاحت معلومات ورکړي. هغې ویلي چې "ښاغلي مایک پمپیو د عراق چارواکو ته دا خبره په ډاګه کړه چې حکومت یې په عراق کې موجودو ټولو امریکایي اتباعو څخه ساتنه کوي."
.@SecPompeo spoke with Prime Minister Mahdi and Presient Salih and reinforced their responsibility to protect our diplomatic facilities. We will respond if our people are harmed, and we continue to support an independent Iraq. pic.twitter.com/LF9PhlGOlz
— Morgan Ortagus (@statedeptspox) December 31, 2019
همداراز په کانګرس کې د جمهوري غوښتنو مشهور سناتور، لندسي ګراهام په خپل ټویټر کې د ایران حکومت ته په خطاب کې لیکلي چې د ولسمشر باراک اوباما برخلاف، ولسشمر ټرمپ به د ایران څخه د ټولو دغو تهدیدونو پوښتنه کوي.
هغه په خپل ټویټر کې زیاته کړې: "ویاړم چې ولسمشر ټرمپ په بغداد کې د امریکا د سفارت د برید په ځواب کې قاطعانه عمل وکړ. هغه ټولې نړۍ ته وښوده چې د هغه په مشرتابه کې به د بن غازي په شان پیښې رامنځته نشي. "
تر دې وړاندې، یو بل جمهوري غوښتونکي سناتور، مارکو روبیو په خپل ټویټر کې ليکلي د دغې پيښې پړه په ایران اچولې وه او په اړه یې سخت غبرګون ښودلی و.
It’s beyond dispute that these Shia militias in #Iraq aren’t just “backed” by #Iran, they are directed & controlled by them. Any attacks by them are the direct work of Iran’s #IRGC
— Marco Rubio (@marcorubio) December 31, 2019
مارکو روبیو لیکلي چې"ایران په مستقیمه توګه په عراق کې د امریکا پر سفارت باندې برید کې لاس درلود او باید د ټولو هغو امریکایانو د امنیت پر وړاندې چې هلته کار کوي، مسئولیت ومني او ځواب یې ووایي. "