د امریکا ولسمشر ډونلډ ټرمپ د یکشنبې په ورځ (جنوري ٢٦) ادعا وکړه چې د ډموکراټانو له خوا د هغه په وړاندې د مواخذې قضیه چې هدف یې له دندې څخه د ولسمشر گوښه کیدل و، په بشپړ ډول گټلې ده
ولسمشر ټرمپ یوه ورځ وروسته له هغه چې مدافع وکیلانو یې د سنا په محاکمې کې د هغه دفاع وکړه په تویټر ولیکل چې "د مواخذې جعلي قضیه په انتخاباتو کې داسې مداخله ده چې مخکې یې ساری ندی لیدل شوی"
The Impeachment Hoax is a massive election interference the likes of which has never been seen before. In just two hours the Radical Left, Do Nothing Democrats have seen their phony case absolutely shredded. Shifty is now exposed for illegally making up my phone call, & more!
— Donald J. Trump (@realDonaldTrump) January 26, 2020
ولسمشر ټرمپ په تویتر کې د مواخذې قضیې مشر څارنوال او د کانگرس غړی ادم شیف د یو "مفسده سیاستوال" په توگه یاد کړی. ښاغلي ټرمپ لیکلي "هغه ښایي ناروغ وي او هغه څه یې لا تراوسه ندي جبران کړي چې زمونږ پر هیواد یې وکړل."
Shifty Adam Schiff is a CORRUPT POLITICIAN, and probably a very sick man. He has not paid the price, yet, for what he has done to our Country!
— Donald J. Trump (@realDonaldTrump) January 26, 2020
د سپینې ماڼۍ سلاکار پټ سیپولون ویلي، که د سنا مجلس د امریکا ولسمشر ډانلډ ټرمپ محکوم او له دندې لرې کړي، دا به 'په بشپړه توګه له واکه بې مسئولیته ناوړه ګټه اخیستنه وي'.
ښاغلي سیپولون د سناتورانو یوې غونډې ته وویل، ډموکراټانو تاسو نه د داسې کار غوښتنه کړې چې د سنا مجلس یا د سنا په چارو کې ساری نه لري.
د امریکا د استازو مجلس، چې ډېری غړي یې ډیموکراټان دي، تېره میاشت ډانلډ ټرمپ استیضاح کړ.
د سپنیې ماڼۍ حقوقي مشاورینو د شنبې په ورځ د ولسمشر ټرمپ د دفاعیې په لومړۍ ورځ له بیلابیلو جبهو برید وکړ او په اول سر کې یې د مواخذې قضیه بې اساسه وبلله.
د سپنیې ماڼۍ د سلاکارانو ډله ادعا کوي چې ولسمشر د پریکړې پراخ صلاحیتونه لري او په بهرنۍ تگلاره کې د هغه د پریکړو سره مخالفت یا مشوره اخیستل جرم نه گڼل کیږي.
د ولسمشر ترمپ مدافع وکیلانو د ډموکراټ گوند لخوا پر ټاکل شویو وکیلانو نیوکه وکړه چې د ولسمشر ټرمپ پر نیت یې شک کړی دی.
دموکراتان وایي د هغه شهادت په واسطه چې جمهوري غوښتونکو یې تر اوسه مخه ډب کړې، ستونزه ډیر په اسانه حل کیدای شي.
ډموکراټان د ولسمشر ترمپ د پخواني جگپوړي سلاکار، سفیر جان بولټن او د سپینې ماڼۍ د دفتر سرپرست مشر مک مولویني په گډون د یو شمیر پخوانیو او اوسنیو اداري چارواکو شهادت غواړي. مولویني تیر کال خبریالانو ته ویلي و چې اوکراین باندې مرستې د ولسمشر ترمپ په غوښتنې ځنډول شوې وې.
د ټرمپ د دفاع یوازې دوه ساعته څرګندونې د ډموکراټانو د استدلال د ورځو په پرتله په جمهوري غوښتونکو ډیره اغیز کړې ده.
ټاکل شوې چې د سپنیې ماڼۍ سلاکاران به سبا دوشنبې به د ولسمشر ترمپ محاکمه کې د هغه دفاع بیا پیل کړي.