د امریکا منتخب ولسمشر دونالد ټرمپ وايي خپل ټول کاروبار او سوداګري به پریږدي چې د خپل هېواد مشري وکړي.
ده په خپل ټویټر کې لیکلي چې د ډسمبر په میاشت کې به په دې اړه د نیویارک په ښار کې په یو کنفرانس کې پوره جزییات ورکړي.په دې باندې یوه نیوکه دا وه چې که خپل کاروبار ته پرېنږدي، شاید د جمهوري ریاست پر مهال له خپلې دندې د خپلې سوداګرۍ په ګټه کار واخلي.
خو، نوموړي په خپل یو تازه ټویټ کې لیکلي چې خپل ټول کاروبار پریږدم چې امریکا بیا غښتلې کړو. هغه ویلي چې په دې اړه به نور جزییات وروسته خپروي.
great business in total in order to fully focus on running the country in order to MAKE AMERICA GREAT AGAIN! While I am not mandated to ....
— Donald J. Trump (@realDonaldTrump) November 30, 2016
ښاغلي ټرمپ مخکې ویلي وو چې خپله سوداګري خپلو اولادونو ته پریږدي. دونالد ټرمپ یو امریکايي شتمن دی چې پر امریکا سربېره د نړۍ په نورو هېوادونو کې سوداګري، هوټلونه، ودانۍ او کاروبار لري.
هغه به د ۲۰۱۷ د جنورۍ په شلمه د امریکا د ولسمشر په توګه لوړه کوي، خو تر هغه مخکې باید د کابیني د مهمو وزارتونو تر څنګ زرګونو نورو دندو باندې باید خلک وګماري.
دونالد ټرمپ د نومبر په اتمه نېته د جمهوري ریاست په انتخاباتو کې خپلې ډیموکراتې سیالې هیلري کلنټن ته حیرانونکې ماتې ورکړه او د امریکا ۴۵ منتخب ولسمشر شو.