د امریکا جمهور رئیس دونالد ټرمپ ویلي دي چې امریکا ته د مهاجرت منع کولو فرمان لاس لیک کوي.
ښاغلي ټرمپ د چهارشنبې د ورځې اپریل ۲۲ (غویي ۳) په خپل ټویټر ولیکل چې: «نن زمونږ هیواد ته د مهاجرت د منع کولو فرمان لاس لیک کوم. په عین وخت کې حتی ددغه فرمان پرته زمونږ جنوبي سرحدونه د ۱۷۰ میله نوي دیوال او ۲۷ زره مکسیکوي سرتیرو په مرسته د انسانانو د قاچاق په ګډون ډیر امن شوي دي.»
I will be signing my Executive Order prohibiting immigration into our Country today. In the meantime, even without this order, our Southern Border, aided substantially by the 170 miles of new Border Wall & 27,000 Mexican soldiers, is very tight - including for human trafficking!
— Donald J. Trump (@realDonaldTrump) April 22, 2020
ښاغلي ټرمپ په ښکاره د یاد فرمان هدف د امریکا په متحده ایالاتو کې د کروناویروس پراخېدل او د امریکايي وګړو لپاره د کاري زمینو خوندیتوب بللی دی.
ډونالد ټرمپ په دې اړه پرون سه شنبه اپریل ۲۱ پر خپل ټوېټر لیکلي: "د ناڅرګند دښمن برید او د خپلو امریکايي وګړو لپاره د کاري زمینې د خوندیتوب اړتیا ته په کتو، زه یو اجرائیوي فرمان لاسلیک کوم چې امریکا ته د لنډ مهال لپاره د کډوالۍ بهیر ځنډوي."
In light of the attack from the Invisible Enemy, as well as the need to protect the jobs of our GREAT American Citizens, I will be signing an Executive Order to temporarily suspend immigration into the United States!
— Donald J. Trump (@realDonaldTrump) April 21, 2020
تر اوسه معلومه نه ده چې د امریکا د متحده ایالاتو د ولسمشر دغه فرمان به څه وخت اجرا شي او دغه هیواد ته د کډوالۍ بهیر به د څومره وخت لپاره وځنډیږي.
د متحده ایالاتو د دموکرات حزب چارواکو پرون دوشنبه ښاغبی ټرمپ تورن کړ چې هغه د کووید ـ۱۹ ویروس څخه په استفادې د کډوالو په وړاندې له خپل سخت دریځه سیاست نه کار اخلي.
د امریکا په کانګرس کې د تکزاس ایالت استازی «جواکین کاسترو» پر خپل ټوېټر لیکلي: "یاد اقدام نه یوازې دا چې د کروناویروس په وړاندې د ټرمپ د نه بریالي کېدو څخه د خلکو د فکر اړول دي، بلکې له یوه بحران څخه په استفادې د کډوالۍ ضد پروګرام مخته وړل دي."
This action is not only an attempt to divert attention away from Trump’s failure to stop the spread of the coronavirus and save lives, but an authoritarian-like move to take advantage of a crisis and advance his anti-immigrant agenda. We must come together to reject his division. https://t.co/wYEai4rYVY
— Joaquin Castro (@JoaquinCastrotx) April 21, 2020
هغه د خپل حزب له نورو غړو څخه هم غوښتي چې د ټرمپ د دغه پرېکړې پر ضد ودریږي.
د دمکرات حزب یو بل غړي «دون بیر» هم ویلي چې د کډوالۍ بهیر تقریباً درول شوی او متحده ایالات هم نسبت نورو هیوادونو ته د کرونا ویروس ډېر مثبتې پېښې لري.
هغه د ټرمپ دغه پرېکړه «جعل» او له «پردیو څخه وېره» بللې ده.
د امریکا متحده ایالاتو د څیړنیز مرکز د معلوماتو په اساس هر کال له یو میلیون نه زیات کسان دغه هیواد ته مهاجرت کوي چې زیات یې هندي وګړي دي.
ډونالد ټرمپ تر دې مخکې هم د کروناویروس خپرېدو مخنیوي لپاره له اروپا څخه امریکا ته سفرونه ځنډولي وو.
دا په داسې حال کې ده چې په امریکا کې د کروناویروس خپرېدو جدي اندېښنې را ولاړې کړي او په دغه هیواد کې د کرونا ویروس مړو شوو کسانو شمېر ۴۰۶۶۱ تنو ته رسېدلی دی.
د امریکا د جانس هاپکنس پوهنتون د معلوماتو په اساس په امریکا کې په کرونا ویروس د اخته کسانو شمېر ۷۵۹۷۸۶ تنو ته رسېدلی چې تر ټولو هیوادونو لوړ شمېر دی.