ټرمپ په یو ټویټ کې د افغان امریکایي پوهنتون د استادانو د خوشې کیدو په اړه د ولسمشر غني نه مننه کړیده او په خپل ټیم یې ویاړ څرگند کړی.
د امریکا ولسمشر ډونالډ ټرمپ په یو ټویټ کې د طالبانو د بند نه د افغان امریکایي پوهنتون د استادانو د خوشي کیدو په لړ کې د ولسمشر اشرف غني نه مننه کړیده او هیله یې څرگنده کړي چې دا د افغانستان د سولې په لور پرمختگ دی.
ولسمشر ټرمپ په ټویټ کې ولیکل:
We join families of Kevin King & Tim Weeks in celebrating their release from Taliban captivity. Thanks to President Ghani for his courageous support. Let’s hope this leads to more good things on the peace front like a ceasefire that will help end this long war. Proud of my team!
— Donald J. Trump (@realDonaldTrump) November 20, 2019
"د طالبانو د بند نه د کیون کنگ او ټم ویکس د خوشي کیدو د لمانځلو لپاره به د هغوي د کورنیو سره یو ځای شم.
د ولسمشر غني د زړه ور کومک سخه مننه کوم چې او پدی هیله چې دا به د سولې لپاره د اوربند په لور یو ښه پرمختگ وي چې دا اوږد جنگ ختم کړي. په خپل ټیم ویاړ کوم"
د یادونې وړ ده چې د ټرمپ نه مخکې د بهرنیو چارو وزیر مایک پمپیو هم د طالبانو له دریو مشرانو سره د امریکايي پوهنتون د دوو استادانو او ۱۰ افغان سرتېرو له تبادلې وروسته هیله ښودلې وه چې دا اقدام سولې ته لا ښه لاره برابره کړي.
د سیاسي چارو ځینې مبصرین تمه ښيي چې دغه وروستۍ تبادله به د حکومت او طالبانو ترمنځ مخامخ خبرو ته زمینه برابره کړي.