نن جمعه ډسمبر اتمه (لیندۍ۱۷) په متحدو عربو اماراتو کې د ۱۹ کلنو لوبډلو ترمنځ د اسیا کپ کرکټ سیالۍ پیلېږي، چې د افغانستان په ګډون اته لوبډلې په کې دي.
لوبډلې په دوو ګروپونو الف او ب وېشل شوي. افغانستان په الف ګروپ کې دی چې له هند، پاکستان او نیپال سره مخامخ دی.
په ب ګروپ کې متحده عرب امارات، بنګله دېش، سري لانکا او جاپان دي. دا پنځوس اوریزې لوبې دي.
Get ready for the #ACCU19MensAsiaCup in Dubai, starting on Friday, December 8th, 2023! The top 8 Asian teams will compete in this 50-over showdown, with talents vying for ultimate glory. Witness the excitement unfold as these young cricket stars aim for the coveted title! #ACC pic.twitter.com/QlSdFho67e
— AsianCricketCouncil (@ACCMedia1) December 2, 2023
نن د افغانستان او هند او پاکستان او نیپال ترمنځ سیالۍ دي.
د افغانستان د ۱۹ کلنو لوبډله د چهارشنبې په ورځ متحدو عربو اماراتو ته ورسېده او تېره ورځ یې تمرین وکړ.
د افغانستان کرکټ بورډ وايي چې لوبډله یې دغو سیالیو ته چمتو ده او هیله یې ښودلې ده چې ښه وځلېږي.
د افغانستان د کرکټ ستوري راشد خان د ویدیو له لارې له لندن څخه په دوبۍ کې له افغان ځوانو لوبغاړو سره خبرې کړې، خپلې تجربې یې ورسره شریکې کړي او هڅوونکې وینا یې ورته کړې ده.
Inspired by the best! 🤩@rashidkhan_19 engaged in a Zoom call with the Future Stars this evening, offered them valuable advice and extended his best wishes to them ahead of their journey at the ACC U19 Men’s Asia Cup 2023. 👏#FutureStars | #ACCU19MensAsiaCup2023 pic.twitter.com/uwCQW8gytb
— Afghanistan Cricket Board (@ACBofficials) December 7, 2023
راشد خان شاوخوا دوې اوونۍ مخکې په لندن کې د ملا عملیات وکړل او وايي چې عملیات یې بریالي وو او هیله لري چې ژر جوړ او میدان ته راستون شي.
د اسیا د ۱۹ کلنو لوبډلو ترمنځ دا لوبې د اسیا د کرکټ شورا په یوټیوب چاینل باندې ژوندۍ ښودل کېږي. د دغو سیالیو پایلوبه د ډسمبر په ۱۵ نېټه ده.
د افغانستان د ملي لوبډلې سیالۍ
په همدې حال کې افغان کرکټ بورډ اعلان کړی دی چې له متحدو عربو اماراتو سره هم دوې یوه ورځنۍ تمریني او درې شل اوریزې سیالۍ کوي.
دا لوبې د دواړو خواو ترمنځ د تېرکال د لاسلیک شوې تړون په اساس کېږي. دوې تمریني لوبې په شارجه کې د ډسمبر په ۲۵ او ۲۷ او درې شل اوریزې لوبې د ډسمبر په ۲۹، ۳۱ او د ۲۰۲۴ کال د جنورۍ په دویمه نېټه دي.
افغانستان له دغو سیالیو وروسته هند ته ځي او له کوربه هېواد سره درې شل اوریزې سیالۍ لري.
دا لوبې داسې مهال پلان شوې چې د ۲۰۲۴ کال شل اوریز جام سیالیو ته شاوخوا شپږ میاشتې پاتې دي. شل اوریز نړیوال جام په متحدو ایالتونو او ویسټ انډیز کې دي چې د افغانستان په ګډون ۲۰ لوبډلې په کې لوبېږي. تر دې دمه د دغو سیالیو مهالوېش اعلان شوی نه دی.