په ملګرو ملتونو کې د افغانستان نمایندګي وایې چې امریکايي او فلسطیني ديپلوماتانو ترې غوښتنه کړې ده چې د ملګرو ملتونو د عمومي اسامبلې په بیړنۍ غونډه کې یې طرفداري وکړي.
ملګرو ملتونونن [ډیسامبر ۲۱] په نیویارک کې یوه کم سارې غونډه رابللې څو د اسرائیلو د پلازمینې په توګه د بیت المقدس د په رسمیت پيژندلو په پریکړه وکړي.
د امریکا حکومت څو اونۍ مخکې د اسرائیلو د پلازمینې په توګه بیت المقدس په رسمیت وپیژاند. د امریکا د ولسمشر ډونالډ ټرمپ دغې فیصلې د افغانستان په شمول د ګڼو اسلامي هېوادونو غوسه راپارولې ده.
ولسمشر ټرمپ د ملګرو ملتونو د عمومي اسامبلې له غونډې څخه یوه ورځ مخکې خبرداری ورکړ چې واشنګټن به پر هغو هېوادونو خپلې مرستې بندې کړي چې د امریکا د فیصلې پر ضد په ملګرو ملتونو کې رایه ورکوي.
تیره اونۍ د اسلامي هېوادونو سازمان په ترکیې غونډه وکړه او ختیځ بیت المقدس یې د فلسطین د پلازمینې په توګه په رسمیت وپيژاند.
د امریکا غږ خبریال احمد شکېب دوست په ملګرو ملتونو کې د افغانستان د دایمي استازي له مرستیال څخه په یوې مرکې کې پوښتنه کړې ده چې کابل د کوم هېواد په ګټه خپله رایه کاروي؟ بشپړه مرکه دلته وګورئ.
Your browser doesn’t support HTML5
په ملګرو ملتونو کې د افغانستان د دایمي استازي له مرستیال سره مرکه