د امریکا د فدرال حکومت د ځینو برخو تړل درېمې اونۍ ته داخل شو.
مرستیال ولسمشر مایک پینس په یوه تویت کې د کانگرس د غړو سره خبرې "رغنده" وبللې.
Productive discussion w/ Congressional leadership staff at @WhiteHouse. @SecNielsen gave a full presentation on crisis along Southern Border. We reaffirmed @POTUS’ commitment to secure the border, build the wall, keep Americans safe & reopen gov’t. Discussions continue tomorrow. pic.twitter.com/C7k9Sg8guY
— Vice President Mike Pence (@VP) January 5, 2019
خو د سپېنې ماڼۍ د چارواکو او د کانگرس د غړو ترمنځ تر خبرو اترو وروسته ولسمشر ترمپ پخپل تویتر کې ولیکل؛ "نن ډېر پرمختگ ونه شو. سبا به بیا بحث کیږي."
V.P. Mike Pence and team just left the White House. Briefed me on their meeting with the Schumer/Pelosi representatives. Not much headway made today. Second meeting set for tomorrow. After so many decades, must finally and permanently fix the problems on the Southern Border!
— Donald J. Trump (@realDonaldTrump) January 5, 2019
د امریکا د نوي کانگرس د غړو سره په بحث کې د سپینې ماڼۍ جگپوړی سلاکار او د ولسمشر زوم جیرید کوشنر او د کورني امنیت وزیره کرستچین نیلسن هم شامل و. ولسمشر ترمپ ویلي چې نن یکشنبې به کمپ دیوید ته ولاړ شي او د سرحدي امنیت په اړه به د جگپوړو کارکونکو سره بحث وکړي.
د مکسيکو سره د ديوال د جوړولو په سر د لانجې له امله د امریکا د فدرال حکومت ځینې برخې د اولسو ورځو راهیسي بندې دي. د فدرال حکومت 800 زره کارکونکي یا په کورونو ناست دي یا بې معاشه کار کوي.
د فدرال حکومت ځیني کارکونکي وایي د دوی د کور پور، کور کرایه او د وړکتونو فیس به اغیزمن کړي. ځیني نور بیا دا اندیښنه لري که چېرې د حکومت بندیدل ډیر دوام وکړي نه پوهیږي د تیلفون د بل پیسې او د خوراک پیسې له کومه کړي.
ولسمشر ټرمپ د مکسيکو په پوله د ديوال د جوړولو دپاره پنځه نیم میلیارده ډالره غواړي خو ډموکراټان چې په کانگرس کې اکثریت دي هوډ کړی چې ولسمشر ته به د دیوال د جوړولو لپاره پیسې ورنکړي. ډموکراتانو روانه اوونۍ يې يوه مسوده منظور کړې خو د ديوال جوړولو دپاره یې د پېسو منظوري نه ده ورکړې.
د یوتا د پوهنتون استاد تم چمبلس وایي د حکومت پر بندیدلو او بیا پرانستلو باندې د پنځو میلیارډو ډالر ډیر مصرف راځي، شاوخوا هغومره مصرف چې ولسمشر ترمپ یې د دیوال د جوړولو لپاره غواړي.
د ډېموکرات ګوند يو سلاکار چې د پرونۍ غونډې په اړوند مالومات لري، وایي چې دموکراتانو په ټینگه له حکومت څخه غوښتي چې د حکومت تړلې برخې پرانيزي. او تر څو پورې چې حکومتي برخې تړلې وي د پولې د امنيت په لانجه پرمختګ نه شي کېدی.