د پیښور په پوهنتون کې پولیسو په محصلینو هغه وخت تشدد وکړ چې هغوي د پوهنتون د فیسونو د زیاتیدو له کبله احتجاج کاوه
د پیښور د پولیسو د پوهنتون په محصلینو د تشدد ویډیوگانې په ټولنیزو رسنیو خپرې شویدي او د بشري حقونو د فعالینو ترڅنگ یې د خبریالانو او د سیاستمدارنو غبرگون پارولی دی.
د پیښور پوهنتون یو محصل چې په احتجاج کې یې برخه اخیستې وه، امریکاغږ ته د نوم نه ښودلو په شرط وویل چې په پیښور کې محصلین د لوړو فیسونو ضد احتجاج کوي خو د پوهنتون منتظمین په هغوي تور لگوي چې دغه محصلین د مختلفو سیاسي گوندونو سره اړیکې لري او ورانکارې دي، نو ځکه یې د هغوي ضد سخت عملیات کړي.
د پیښور په پوهنتون کې پروفیسره نورین نصیر امریکا غږ ته وویل چې د پیښور د پوهنتون فیسونه ډیر زیات شویدي او زیاتره زدهکونکي د غریبو کورنیو سره تعلق لري. هغه وایي "پوهنتون د تیرو څو کلونو راهیسې د مختلفو بورسونو فیسونه زیات کړي، ځینې زدهکونکي د ډیرو نیستمنو کورنیو سره تعلق لري هغوي حیران وي چې دغه فیسونه څنگه ورکړي"
د پاکستان د تحریک انصاف گوند چې د مرکز علاوه په پنجاب، بلوچستان او په خیبر پښتونخوا کې حکومت لري، په ٢٠١٣ کال کې د هغه وخت د واکمن سیاسي گوند مسلم لیگ د حکومت ضد د پارلمان مخې ته څو میاشتې اوږد احتجاج کړی و او دا به یې خپل حق گڼو.
په ټولنیزو رسنیو په عکس العمل ښودونکو کې یو یې د پاکستان مشهور خبریال طلعت حسین دی، هغه په ټویټر ولیکل.
PTI govt in KP has a field day thrashing university students. And what was their crime? Protesting fee hike. Shameful.خیبر پختونخوا میں جامعہ پشاور کے طلباء پر بے رحمانہ تشدد۔ کیا جرم تھا ان طلباء کا؟ فیسوں میں اضافے کیخلاف احتجاج۔ شرمناک۔ pic.twitter.com/9zH25c9OHE
— Syed Talat Hussain (@TalatHussain12) October 4, 2018
"د تحریک انصاف حکومت پولیس په خیبر پښتونخوا کې خپله یوه ورځ داسې تیروي، په زدهکونکو تشدد کوي. او د هغوي جرم څه دی؟ د فیسونو د زیاتوالي خلاف احتجاج کول. د شرم وړ"
د پاکستان یو بل خبریال حامد میر د تحریک انصاف د گوند هغه ادعاگانو ته اشاره کړې چې وایي د خیبر پښتونخوا پولیس یې مثالي پولیس دي او د ټول پاکستان پولیس به دغه لار تعقیبوي.
هغه په خپل ټویټر ولیکل "د پوهنتون په فیسونو کې د زیاتوالې خلاف احتجاج جرم ندی خو په محصلینو تشدد یقینا ظلم دی. زه پدی باور یم چې د تحریک انصاف حکومت به په خیبر پښتونخوا کې د خپل مثالي پولیسو ضد اقدامات وکړي."
Protest against increase in student fees is not a crime beating students is definitely a crime and I am sure ruling PTI will take action against its "model" police in KPK https://t.co/DsMKahULhi
— Hamid Mir (@HamidMirPAK) October 4, 2018
ډاکټر تقي په خپل ټویټر ولیکل "دومره ظلم د جنرال ضیاالحق په دورې کې نه و شوی، د پاکستان تحریک انصاف حکومت د فاشزم لار خپله کړیده."