د امریکا د متحده ایالاتو د ملي امنیت سلاکار ایچ آر مک ماسټر د افغانستان د ملي امنیت سلاکار حنیف اتمر ته ویلي دي چې امریکا به د افغانستان د حکومت او ولس سره ولاړه وي او د ترویزم ضد جګړې کې یې یوازې نه پریږدي.
ښاغلي اتمر پخپل رسمي ټویټر کې لیکلي چې مک ماسټر سره یې په ټیلیفون کې خبرې کړي. مک ماسټر پدې خبرو کې په کابل او ولایتونو کې د تروریستي بریدونو په هکله جمهور رئیس اشرف غني او افغان ولس ته د امریکا د جمهور رئیس ډونالډ ټرمپ او د امریکا د ولس غمرازي شریکه کړیده.
د امریکا د ملي امنیت سلاکار په افغانستان کې "تروریستي"بریدونه چې پدې تیرو څو ورځو کې په ملکیانو شوي، په کلکه غندلي دي.
د افغانستان د ملي امنیت سلاکار حنیف اتمر خپل امریکایي سیال ته په ټیلیفون کې ویلي دي چې د تروریستانو د پټیدو او روزنې ځایونه د افغانستان نه بهر دي او باید چې له منځه ولاړ شي. ښاغلي اتمر د امریکا د ملي امنیت سلاکار ته ویلي دي چې دغه مرکزونه یوازې د سیمې لپاره نه بلکې د ټولې نړۍ لپاره خطر دي.
NSA Atmar thanked H.R. McMaster for the telephone call, said terrorists%27 safe havens outside Afghanistan, where the terrorists get trainings and sanctuaries and pose a serious threat to the whole region and world, should be destroyed and eliminated. (3)
— Haneef Atmar (@NSAAtmar) January 30, 2018
د امریکا جمهور رئیس ډونالډ ټرمپ هم په کابل او ولایتونو کې په ملکي خلکو بریدونه غندلي و او د دوشنبې په ورځ یې (جنوري ۲۹) یې ملګرو ملتونو د امنیت شورا غړیو سره په ملاقات کې ویلي و چې نور د طالبانو سره د سولې خبرې نکوي.