د هندي فلمونو مسلمانه اداکاره زایره وسیم وایي چې نور فلمونه نه کوي، ځکه د دین او ایمان نه یې لیرې کوي
د هندي فلمونو یوه اتلس کلنه مسلمانه اداکاره زایره وسیم چې د مشهور اداکار عامر خان سره یې په دوو فلمونو، دنگل او سیکرټ سپرسټار کې اداکاري کړي وه او زیاته مشهوره شویده، وایي چې نور به په فلمونو کې کار نه کوي ځکه چې دغه یې د خپل دین (اسلام) نه لیري کوي
زایره وسیم په خپل فیسبک ولیکل چې د تیرو اوو کلونو نه په هندي فلمونو کې کار کوي، خو چې فلمونو ورته کومه پیژندگلو ورکړیده، هغه یې خوښه نه ده. هغې وویل چې هغه په غیرشعوري توگه د ایمان نه لیرې لاړه. هغې زیاته کړه:
"زه د خپل فکر او وجدان لپاره د خپل اروا سره په جنگ وم، غوښتل مې چې خپل ایمان پوخ کړم خو زه بیخي ناکامه شوم. دا یو ځل نه خو څو ځله وشوه. ما په یو داسې چاپیریال کې کار کاوه چې هغه زما د ایمان سره په ټکر کې و او د مذهب سره یې زما اړیکه د گواښ سره مخامخ کړه. زما کار زما په عقیدې اغیز کاوه."
د زایره وسیم د دغه اعلان نه وروسته د بالیووډ د اداکارونو په شمول گڼ شمیر مینه والو یې په دغه پریکړې ډول ډول تبصرې وکړې.
ځینو کسانو د هغې په پریکړې انتقاد وکړ نو ځینو نورو بیا د هغې د پریکړې نه دفاع وکړه.
د هندي فلمونو پروډیوسر امتیاز حسین په ټویټر ولیکل:
Respect choice of Zaira Wasim quitting acting in movies but she can’t invoke religion and faith to justify this. Are others in the field some kind of sinners?This dawning of new reality should be her own truth & her own interpretation of religion. Period.
— Imtiyaz Hussain (@hussain_imtiyaz) July 1, 2019
"د زایره وسیم د پریکړې درناوې کوم خو هغه پدی کې مذهب او عقیدی نه شي راوستلی. هغه نور کسان چې په فلمونو کې کار کوي، ایا هغه گناهگاره دي؟"
د سرینگر مسلمان سیاستمدار عمر عبدالله د هغې د پریکړې دفاع وکړه. هغه په خپل ټویټر ولیکل
Who are any of us to question @ZairaWasimmm’s choices? It’s her life to do with as she pleases. All I will do is wish her well & hope that what ever she does makes her happy.
— Omar Abdullah (@OmarAbdullah) June 30, 2019
"مونږ څوک یو چې د زایره وسیم د خپل ژوند په اړه په پریکړو سوال پورته کړو. هغه دې هغه څه کوي چې په څه خوشحالیږي، مونږ ته پکار ده چې هغې ته د ښه راتلونکی هیله ولرو."
د زایره وسیم په دغې پریکړې نه یواځې په ټولنیزو رسینو په زرگونو ټویټونه وشول خو د هند ځیني مشهور خبریالانو چې پکې برکا دت شامله ده، په ټلویژون خپرونې هم وکړی.