د ننګرهار اصلي اوسیدونکی عزیزالله د پوهنتون څخه فارغ او غواړي چې دوکتورا ترلاسه کړي. خو پاکستان کې افغان کډوالو لپاره د کار نشتوالي له وجې دده په شان ځوانان په يو دفتر کې د کار کولو پر ځای د قصابۍ، د موبايل ترميم او يا د سبزيجاتو پير او پلور ته اړ شوي. شاهين افريدي په همدې موضوع راپور چمتو کړی..
د تورخم پوله د شنبې په ورځ د څلورمې ورځې لپاره هم په بشپړه توګه تړل شوې وه، چې له امله يې د پولې دواړو خواو ته بار وړونکې لارۍ د سړک پر غاړه بندې پاتې دي. د تورخم د ګمرکي چارواکو په وينا، په دې پوله هره ورځ دوه اعشاريه څلور میلیونه ډالره صادرات او۶۰ میلیونه واردات کيږي.
د افغانستان او پاکستان ترمنځ د تورخم په سرحد کې د چهارشنبې د ورځې د لنډې نښتې وروسته، نن جمعه د درییمې ورځې لپاره هم د تورخم سرحدي لار د هر ډول تګ راتګ پرمخ تړلې ده، چې له امله يې په پاکستان کې ګڼ شمېر افغان مسافر، ناروغان او د لارۍ چلوونکي بند پاتې شوي. .
زاهد جان چې په افغانستان کې د طالبانو له بیا واکمنید وړاندې، د افغانستان د موسيقۍ په ملي انسټیټیوټ کې یې زده کړې کولی، اوس په پېښور کې په يو سلماني کې کار کوي. نوموړی وايي، که چیرې حالات خراب شوي نه وای، نو هغه به اوس د سيکسوفون او طبلې په برخه کې مسلکي زده کړې بشپړې کړي وای.
د خیبر پښتونخوا په بيلا بيلو تعلیمی ادارو کې افغان محصلین د رسمي زده کړو ترڅنګ، آنلاین بازار موندنې، سوداګرۍ او امازون ته مخه کوي. افغان محصلین وايي، په پاکستان کې د کډوالو په ژوند کې د زده کړو او کار موندلو په برخه کې له ستونزو سره مخ دي.
نظیر احمد له تېرو دېرشو کلونو راهیسې د پېښور په تاریخي ګنج دروازې کې د توتيا موتيا په نوم فالوده پلوري چې ځایي خلک یې ډېره خوښوي. هغه له یخ سره خوږه شوله، مينچې او ګوړه کاروي. د نظیر احمد دغه دوکان یوازې د اوړي په درې میاشتو کې پرانستی او د خلکو د ګڼې ګوڼې شاهد وي. شاهين افريدی - امريکا غږ
د چارسدې وریجې په خېبرپښتونخوا کې ځانګړی شهرت لري. که يو خوا ته په ودونو کې غټې وريجې د دود په توګه پخېږي، له بلې خوا خلیج او نورو هېوادونو کې میشتو پښتنو ته د ډالۍ په توګه هم ليږدول کېږي. د امريکا غږ خبريال شاهین افریدي د چارسدې د غټو وريجو په يو پلورونځي کښې د وریجو شوقیانو سره خبرې کړي دي.
د افغانستان د لغمان ولایت اصلي اوسیدونکی توریالی دا مهال په بورډ بازار کې د جامو ګنډلو د پخوانیو ماشینونو د ترمیم یوازینی مستری بلل کیږي. توریالی وایي ډيری مشتریان یې هغه افغانې میرمنې دي چې په کډوالۍ کې د جامو ګنډلو له لارې د کور مصارف پوره کوي. شاهين افریدي- امریکاغږ
په مردان کې د ولي خان پوهنتون لخوا ۵۰ افغان ښځينه زده کوونکو ته بورسونه اعلان شوي. خيبرپختونخوا کې مېشتو افغان محصلينو د دغو بورسونو اعلانېدو ته خوښي ښودلې او افغان زده کوونکو ته یې د لا ډیرو دغه ډول فرصتونو برابرولو غوښتنه کړې ده۔ شاهين افريدي- امریکاغږ
د سرو زرو د بيو له لوړېدو وروسته د افغاني مصنوعي ګاڼو پېر او پلور زيات شوى دى. افغان هټیوال وايي دا ګاڼۍ پنځه زره کلن تاریخ لري. دوی وايي چې پخوا دا یوازې د افغانانو د کلتور یوه برخه وه خو اوس په ټوله نړۍ کې د فیشن په توګه منل شوی. شاهين افريدی امريکا غږ
د پېښور په بورډ بازار کې افغان کډوال، زمري په خپل هټۍ کې ۱۲۰۰ پخوانۍ افغان موسيقۍ کسیټې راټولې کړي چې ښایې بل چا سره نه وي. نوموړی غواړي د افغانستان دغه پخوانۍ او دودیزه موسيقي د کمپيوټر له لارې خوندي کړي، ترڅو تاريخي ارزښت يي ژوندی پاتې شي.
د پېښور په یو خصوصي پوهنتون کې د لوړو زده کړو د کمیسیون مسوولینو او استادانو د افغان محصلینو تر څنګ افغانستان د خپلواکۍ ۱۰۴مه کلیزه په شاندارو مراسمو ولمانځله. د خپلواکۍ د ورځې په دې مراسمو کې ګڼ شمېر افغان او پاکستاني محصلینو برخه اخیستې وه. شاهین افریدي
د پاکستان د پنجاب ایالت په جړانوالا ښار کې د دوو عیسویانو پر ضد د اسلام د سپکاوي په تور د کلیساګانو او عیسویانو کورونو سوځولو د پيښو غندنې په موخه ټول هیواد کې لاریونونه پیل شوي. لاریون کوونکي له حکومت څخه غواړي چې د لږکیو د حقونو ساتنې په موخه کوټلي ګامونه واخلي. شاهین افریدي- امریکاغږ
د پېښور قصه خوانۍ بازار کې یوه ودانۍ چې د "افغان بلډنګ" په نوم یادیږي او د افغان دولت ملکیت دی ، خپل ځانګړی تاریخ لري. د افغانستان د پخواني ټولواک محمد ظاهر شاه د واکمنۍ پر مهال دغه ودانۍ د سوداګرۍ مرکز و، خو اوس یواځې څو هټۍ پکې فعالې دي. شاهين افريدی - امريکا غږ
د پيښور په بورډ بازار کې افغان انځورګر سکندر، نن د زمري په ۲۸ ورځ د خپل عادي کار سربیره، یوازې د افغانستان د درې رنګه بیرغ په رنګولو بوخت دی، ځکه هغه د افغانستان د ۱۰۴ مې خپلواکۍ د ورځې په مناسبت د بېرغونو د رنګولو ډیر زیات فرمایشات ترلاسه کړي دي.
یوې نادولتي ادارې په خېبر پښتونخوا کې ۲۰۰ سېلاب ځپلو مېرمنو ته په بیلابیلو برخو کې د زده کړو وروسته د هټیو، کورنیو څارویو پالنو او خیاطۍ سهولتونه برابر کړي چې ورڅخه په ګټې اخیستو سره خپلو کورنیوته نفقه برابره کړي. شاهين افريدي - امريکا غږ
د پيښور د مرکزي محبس(سنټرل جيل) مسوولین وايي، چې په دغه محبس کې ۲۰۰ تنه بندیانو ته د چرمۍ، ګلدوزۍ، نقاشۍ او بوټانو جوړولو شپږ مياشتنې روزنیز کورس پیل شوی دی.
په ټوله نړۍ کې د اګست لومړۍ اونۍ د مور د شیدو ورکولو په نوم نمانځل کیږي خو په پاکستان کې بیا ټوله میاشت د مور د شیدو ورکولو په موخه د پوهاوي غونډې کيږي. د یونیسف د معلوماتو له مخې، په پاکستان کې په هرو سلو ماشومانو کې ۴۰ ماشومان له ذهني او جسمي کمزورۍ کړيږي. شاهين افریدي - امریکاغږ.
د پېښور په شعبه بازار کې دوه سپين ږیري وروڼه وایي د ګرمۍ په موسم کې داسې شوملې/شړومبې جوړوي چې مشتریان یې بیا دلته راتللو ته اړ کېږي. دا دوه وروڼه چې په دوه باباګانو مشهور دي، هره ورځ ورته په سلګونو خلک د لیرې سیمو څخه دشوملو څښلو لپاره راځي. شاهين افریدي پرې ویډیو جوړه کړې.
تيره ورځ په خېبر پښتونخوا کې د ترهګرۍ د مخنیوي لپاره د پاکستان د سیاسي، مذهبي او نورو ګوندونو د مشرانو په ګډون یوه لویه قومي جرګه جوړه شوې وه. جرګې د باجوړ په ګډون د خېبر پښتونخوا په بېلا بېلو سيمو کې د ترهګرۍ پر پېښو خواشيني څرګنده کړه او ددې پیښو د عاملینو پر ضد يې د اقدام غوښتنه وکړه.
نور پورته کول