په خیبر پښتونخوا کې د ښځو لپاره د رستوران چلول خورا غیر معمول خبره ده، خو د بنو اوسیدونکې سونیا وقار په کالام کې خپل رستوران چلوي. هغه د خپلو خوندورو خوړو له وجې ځانګړی نوم لري او سیلانیان یې خوراکونه خوښوي. شاهين افريدی- امريکا غږ
د چارسدې د اتمانزو کمپ اوسیدونکی صفي الله ماشومانو ته پداسې حال کې وړیا زده کړې ورکوي چې له تېرو ۱۳ کلونو راهیسې په دغه کمپ کې یو ښوونځی ندی جوړ شوی. ځایي اوسیدونکي اندیښمن دي چې د ښوونځي د نه شتون له کبله ډیری ماشومان د کباړ ټولولو په شان په شاقه کارونو اخته شوي دي. شاهین افریدي- امریکا غږ
پيښور کښي د سيمه ايزو مطالعاتو انستيتوت (IRS) له خوا د افغانستان او پاکستان ترمنځ د سوداګرۍ په برخه کې د اسانتیاوو رامنځته کولو په اړه غونډه جوړه شوې وه. په دې غونډه کې په پيښور کې د طالبانو د حکومت قونسل، د دواړو هېوادونو د سوداګرۍ د ګډې خونې مشر او نورو چارواکو ګډون کړی و. شاهین افریدي - امریکا غږ
په چارسده کې د ځوانو استعدادونو د لټون "Youth Talent Hunt" پروګرام په لړ کې د خيبرپختونخوا د فوټبال ليګ سيالۍ پای ته ورسيدې. ټول ایالت په پنځو سیمو ویشل شوی و چې د بيلا بيلو پوهنتونونو څخه سلګونو نجونو پکې ګډون درلود۔ شاهين افريدي امريکا غږ
عظیم خاکسار یو مسلکي سوک وهونکی دی، خو دامهال د مالي ستونزو له امله د پېښور په بورډ بازار کې میوه پلوري. د هغه په وينا، په افغانستان کې د رژيم له بدلون وروسته د سوک وهنې د کمو امکاناتو او اقتصادي ستونزو له امله پاکستان ته مهاجر شو. شاهين افريدی- امريکا غږ
د ملګرو ملتونو د ادارې په مرسته د ځوانو افغان کډوالو د ځواکمنولو لپاره د پیښور په یوه شخصی پوهنتون کې د فیشن او ډیزاین ، انلاين سوداګرۍ، فوټوګرافۍ او ویډیوګرافۍ وړيا زده کړې پیل شوي، چې ۱۲۰ افغان محصلین پکې زده کړې کوي.
انار ګل په پېښور بورډ بازار کې د افغانستان دوديزې جامې پلوري، خو هغه ددغو جامو لپاره غاړې، مټ ګلي او وټې د افغانستان څخه واردوي. نوموړی وايي په افغانستان کې دغه غاړې زياتره ښځې جوړوي کوم چې د افغان دوديزو جامو ځانګړتيا ده، خو د طالبانو تر بیا واکمنیدو وروسته د هغوي روزګار په ټپه دریدلی دی.
د افغان کډوالو په کمپونو کې، ښځې د مهارتونو روزنیز مرکزونه ته مخه کوي. په دغو مرکزونو کې افغان مېرمنې د کمپيوټر ، ګلدوزۍ، ډيزاين او د جامو ګنډلو زده کړه کوي او بيا ترې ګټې پورته کوي. د مسوولینو په وینا، دغه مېرمنې با استعداده دي خو اسانتياوي نلري. شاهين افريدی امريکا غږ
د خیبر پښتونخوا د کورنیو چارو محکمې د محرم په میاشت کې د افغانانو پر تګ راتګ بندیز لګولی دی چې په پېښور کې د مېشتو افغانانو احساسات یې راپارولي دي. د دوی په خبره، د محرم په لسو ورځو کې د دغه بندیز له کبله به یې کاروبارنو خورا زیان وویني. شاهين افريدي - امريکا غږ
په افغانستان کې د طالبانو بیا واکمېدو سره د نجونو پر زده کړو او بیلابیلو برخو کې د دوي په کار بندیزونه ولګول شول. په دغو مېرمنو کې د دنیا ارتل په شان یو شمېر هغه انځورګرانې هم وې چې د خپل هنر له لارې یې ټولنې ته مثبت پیغام رسولو. شاهين افريدي پرې راپور لري
د افغانستان د موسیقۍ د ملي اکاډمۍ درېو ښځينه زده کوونکو د "کابل ټريو" په نوم یوه ډله جوړه کړې چې وايي په ډیر کم وخت کې یې ځان ته نوم پیدا کړی و او په بیلابیلو کنسرتونو کې یې ګډون کړی و. خو د طالبانو بیا واکمنېدو سره له افغانستانه وتلو ته اړ شول. شاهين افریدي- امریکاغږ
د پاکستان حکومت د تحقیقاتي ادارې چارواکي وايي د یکشنبې ورځې راهېسې یې شاوخوا ۳۰زره افغانانو ته اجازه ورکړې چې په تذکرې باندې د تورخم په دروازې واوړي. پاکستاني چارواکي همداراز زیاتوي چې په تذکرې افغانستان ته اوښتي کسان بېرته په تذکرې پاکستان ته نه شي داخلېدای.
د پیښور عالي محکمې چارواکو ته لارښوونه کړې چې پېښور او نورو سیمو څخه افغانستان ته د قربانیو د څارويو د وړلو مخه ونیسي. عالي محکمې په داسې حال دا امر کړی چې په افغانستان کې سبا او پاکستان کې د پنجشنبې په ورځ لوی اختر دی. عالي محکمه وايي دا بنديز يي پدې خاطر لګولی چې په پېښورکې د څارویو قیمتونه کم شي.
افغان موټر چلوونکو تیره ورځ د پاکستان له لومړي وزیر او د خیبر پښتونخوا له والي څخه وغوښتل چې دوی ته د درنو جریمو او ټکټونو د ورکولو ستونزې ته پام وکړي او په حل کولو کې یې ورسره مرسته وکړي. دوي زیاتوي چې د اټک څخه تر تورخم پورې ځورول کیږي او غير قانوني مالیه ترينه اخیستل کیږي. شاهين افريدي- امريکا غږ
د افغانستان د لوګر ولايت اوسیدونکی، ذاکر ارمان چې اوسمهال په خيبرپښتونخوا کې د ډوکتورا محصل دی، په خپل نوي کتاب کې په افغانستان کې په طبيعي سرچينو، کرنې، سيلانیتوب او نړیوالو اړيکو پر موضوعاتو ليکنې کړي دي. نوموړی وايي که چیرې افغانستان دغو سيمو ته پاملرنه وکړي، د اقتصادي د ودې سبب کیدلای شي.
نوموړی وايي چې دا رول یې ځکه غوره کړی دی چې د کوویډ - ۱۹ وبا تر ختمیدو او د حکومت لخوا د وضع شوي محدودیتونو له لرې کیدو وروسته، غواړي هغه سیمې ته چې بیوزلي، ځانمرګو بریدونو او د اورپکو له ګواښونو سره مخامخ دي، خوښۍ راولي.
د خيبر پښتونخوا په کوهاټ سیمه کې د افغان کډوالو تيکوانډو اکاډمي لوبغاړي د کډوالۍ له ستونزو او کړاو څخه شکایت لري. شاهین افریدي ورسره نن د کډوالو نړیوالو ورځې په مناسبت خبرې کړي او د کډوالو په ستونزو، ننګونو او ددوي په هیلو یې ورسره مرکه کړې.
د خیبر پښتونخوا په کوهاټ کې د افغان کډوالو په کمپ کې يو پلار او لور په خپل کور کې د ښوونځيو نه بهر ماشومانو لپاره يو غيررسمي ښوونځی جوړ کړی چې پکې د ۶۰ نه زياتې نجونې زده کړې کوي. لور یې نجونو ته ابتدايي ټولګيو پورې او پلار یې د پورتنیو ټولګیو ته پلار تدریس کوي. شاهين افريدی - امريکا غږ
د خيبرپښتونخوا په کوهاټ سیمه کې د ګهمکول په نوم د افغان کډوالو د کمپ مشران وايي چې د ملګروملتونوپه تعلیمي سیستم کې د افغان کډوالو لپاره په ښوونځیو کې د شپږم ټولګي شتون نلري. ددوی په وینا، د یادو ټولګیو د نشتون له امله ډیرې ماشومان د زده کړو پرځای، کار ته مخه کوي. په ورته وخت کې د کمپ يو مشر، د پنځم ټولګي څخه فارغ شوي ماشومانو لپاره يو غير رسمي ښوونځی جوړ کړی چې د راتلونکي ټولګيو لپاره دغه ماشومان تربيه کړي. شاهين افريدي امريکا غږ
د پېښور په کارخانو بازار کې د لعل چپور روش خپل ځانګړی نوم لري. لعل چپور ۲۵ کاله وړاندې د روش پخلی پيل کړ. هغه وایي هره ورځ شاوخوا ۱۵۰ کیلو غوښه پخوي او د پاکستان د بيلا بيلو سيمو څخه د روش خوړلو لپاره ورته خلک راځي. شاهين افريدی امريکا غږ
نور پورته کول