پيښور کې د تکواندو په یو کلپ کې یو شمېر هغه افغانې نجونې په ورزش اخته دي چې افغانستان کې د طالبانو وضع شویو بندیزو له کبله کډوالۍ ته اړې اېستل شوي دي. د امریکا غږ خبریال شاهین اپریدي له یو شمېر افغان ښځینه ورزشکارانو سره خبرې کړې دي.
د مردان په عبدالولي خان پوهنتون کې د وزیرستان محصلينو ټولنې یوه کلتوري غونډه جوړه کړې وه چې د ځايي سیاسي مشرانو برسیره یو شمېر افغان محصلینو هم پکښې ګډون کړی وو. 'د سولې د شپې' په نوم په دې کلتوري غونډه کې چې هر کال لمانځل کیږي، ويناوالو د وزيرستان پر ستونزو او حلارو خبرې وکړې.
په مردان کې د زردکو د حلوا ددغه دوکان نږدې اویا کاله کیږي. په ټولنیزو رسنیو کې مشهور، رحمت ګل په خپل ځانګړي انداز خلکو ته حلوا ورکوي او پیرودونکي ورسره ویډیوګانې اخلي. شاهين افریدی دوکان ته ورغلی او دغه لنډه ویډیو يې ترېنه چمتو کړې.
په پاکستان کې پارلماني ټاکنو د نیټې رانيزدی کيدو سره د هیواد لږکيو د غوره استازیتوب او یو غږ موندلو په لټه کې دي چې د دوی حقونه وغواړي او دوي لپاره خبرې وکړي. د دې لږکيو استازو په خپلو ټولنو کې په ټاکنو کې د ګډون او د رایې ورکولو د اهمیت په اړه د پوهاوي کمپاینونه پیل کړي. شاہین افریدی پرې راپور لري
د پېښور پوهنتون درېو محصلينو په پېښور کې یو داسې رسټوران پرانستلې، چیرې چې کارکوونکي یې د هاليووډ د ډارونکو فلمونو د کرکټرانو په څير جامې اغوندي او پیرودونکو ته کټ مټ د فلمونو په شان په ډارونکي بڼه خدمات وړاندي کوي. دغه رسټوران د خلکو د ځانګړې پاملرنې وړ ګرځیدلې دی.
په خېبر پښتونخوا کې د ښځو پر وړاندې د تاوتريخوالي د مخنيوي او په بيړنيو حالاتو کې هغوی ته د اسانتياو د برابرولو لپاره د "بولو" په نوم يو مرکز جوړ شوی دی.دغه مرکز د ټيليفون له لارې هغو میرمنو او نجونو ته چې د تاوتريخوالي سره مخامخ دي د وړيا قانوني مرستو، سرپناه او رواني ستونزو په اړه معلومات ورکوي.
سوداګر وايي چې د پاکستان او افغانستان ترمنځ د خرابو اړیکو او د سوداګرۍ د خرابې تګلارې له امله سږ کال د دواړو هېوادونو ترمنځ سوداګري ۴۰ سلنه کمه شوې ده. د پاکستان له خوا د بېلابېلو توکو پر صادراتو بندیز، د پولو تړل او د مالیاتو زیاتوالی هغه عوامل بلل شوي چې سوداګرۍ ته یې زیان رسولی دی.
په پيښور کې یو شمیر ځوانانو د اقلیمي بدلون د منفي اغیزو په اړه د خلکو د پوهاوي د کچې د لوړولو لپاره هڅې پیل کړي دي. د "شین پېښور" په نوم د ځوانانو دغه ډله د پيښور ښار په بېلابېلو بازارونو کې د پلاستیکي کڅوړو د استعمال د زیانونو او د چاپېریال د پاک ساتلو په موخه معلومات ورکوي.
د پېښور ډبګرۍ بازار د دودیزو کټونو د جوړولو له امله مشهور دی. سوداګرو وايي، دغه بازار چې دوی پکې د لسيزو راهيسې په دې کار بوخت دي، هان د پاکستان له جوړېدو مخکې د کټونو لپاره مشهور وو. په دې مارکېټ کې د کسبګرو لخوا جوړ شوي او ډيزاين شوي کټونه د امریکا او اروپا په ګډون په نړې کې ځانګړي پېرېدونکي لري.
په پيښور کي د خيبرپښتونخوا د مختلفو سيمو اړوند ښځو يوه غونډه راجوړه شوې وه. په دې غونډه کې هغو ښځو برخه اخیستې وه چې په ټولنه کې د تعلیم، روغتیا، د اقلیم د بدلون، د نرښځیانو د حقونو او د ښځو د مهارتونو په برخه کې ښکیل دي او یا غواړي چې په راتلونکي کې سیاسي فعالیت وکړي.
په پېښور کې یو ځوان د پښتو موسیقۍ د زده کړې لپاره یو ښوونځی پرانیستی چې په کې محصلينو ته د رباب او پښتو کلتوري موسیقۍ زده کړه کوي. دغه ښوونځي هڅه کوي چې د پښتو دوديزه موسيقي په عصري بڼه د ځوانانو له لارې نړۍ ته وړاندې کړي. شاهين افريدی امريکا غږ
د سریندې نامتو غږوونکي منیر سرحدي زوی اعجاز سرحدي پاکستان کې د سریندې مجربه غږوونکی دی. سرحدي وايي سرينده په لومړي ځل د تیراه درې کې غږول شوې وه چې اوس د خيبرپښتونخوا د موسيقۍ یو له اصیلو آلو څخه ګرځیدلې۔ هغه زیاتوي چې د اکاډمۍ نه شتون د سریندې راتلونکی ګواښي. شاهين افریدی - امریکاغږ
د افغان خیاطانو له خوا جوړ شوي "ترکي ډيزاين" کورتۍ او کوټونه پېښور ته وارديږي چې خورا مینه وال لري. سوداګر وايي، افغان هنرمند خیاطانو دغه ډيزاينونه په ترکيه او ايران کې زده کړي او اوس یې په لويه کچه په افغانستان کې توليدوي او په پاکستان کې ښه بازار لري.
لعل محمد د پېښور په شينواري بازار کې د ګنډ افغاني دوديزو جامو د پلور دوکان لري چې پکې د څلوېښت کلونو پخواني ډيزاينونه یې هم خرڅلاو ته ایښي. لعل محمد چې په اصل کې د ننګرهار اوسيدونکی دی خپل پلرنی روزګار پر مخ وړي، دی وايي چې دا ټوکر له افغانستان، پاکستان او دوبۍ څخه ترلاسه کوي. شاهین افریدی- امریکاغږ
د پېښور عالي محکمې ۱۰۹ افغانانو ته چې له پاکستاني ښځو سره يي ودونه کړي، د (پي او سي) کارتونو د ورکولو امر کړی۔ له دغه پريکړې وروسته په پاکستان کې مېشت افغانانو خوښي څرګنده کړې. د پېښور عالي محکمې وکيلان وايي ددې پریکړې وروسته ددې ډول قضیو کې زیاتوالی راغلی دی. شاهين افريدی- امريکا غږ
هر کال د ډیسمبر درېیمه نيټه د معلولينو نړیواله ورځ نمانځل کیږي. د روغتیا نړیوال سازمان وايي په پاکستان کې ۱۵ سلنه خلک یو ډول نه ډول معلوليت لري. د معلولیت اکثریت قربانیان ماشومان ګڼل کېږي.
د ډسمبر دریمه په ټوله نړۍ کې د معلولينو د ورځې په توګه نمانځل کيږې چې هدف يي د دوي د حقونو په ډاګه کول دي. خو په خېبرپښتونخوا کې افغان معلولين دا ورځ د تورې ورځې په توګه نمانځي. دوي وايي د زده کړو، کار روزګار او اساسي حقونو څخه بې برخې دي او د اړمندۍ ژوند تيروي.
د افغان کډوالو له ایستلو وروسته د خیبر پښتونخوا په تعلیمي ادارو کې د زده کوونکو شمېر کم شوی دی. په افغانستان کې د طالبانو له واکمنۍ وروسته تر ۷۰۰ زرو ډېر افغانان پاکستان ته کډوال شوي وو، چې په پاکستان کې د اوسیدنې د اسنادو د نشتون له امله یې په دغه هېواد کې رسمي زده کړې نشوای کولای.
د پېښور په لرغوني بازار کې د کبانو کوڅه د ځانګړي خواړو او کبانو د پخلي له امله مشهوره ده. دلته هره ورځ د هيواد بيلا بيلو ښارونو څخه په منونو کبان راوړل کیږي او د ښار په بيلا بيلو بازارونو کې پخيږي. پلورونکي وايي، دلته د کبانو ځانګړي مينه وال د کبانو د خوړو لپاره د خېبرپښتونخوا له ګوټ ګوټ څخه راځي.
د پاکستان د ټيکبال ملي لوبډله د لومړي ځل لپاره د ټیکبال د نوې معرفي شوې لوبې په نړیوالو سیالیو کې د ګډون لپاره ټایلنډ ته ځي. لوبغاړي ټول د خېبرپښتونخوا دي. په ورته وخت کې د پاکستان لوبډله په نړیوالو سیالیو کې د سرو زرو مډال ګټلو ته هیله منه ده. شاهين افريدی - امريکا غږ
نور پورته کول