په داسې حال کې چې د پاکستان حکومت لخوا د افغان کډوالو د ويستلو مهلت کې ۱۳ ورځې پاتې دي، د بيلا بيلو سيمو څخه د افغانانو کډې تورخم او چمن له لارو خپل هيواد ته د ستنېدو پرمهال لیدل شوي دي. دغه کډوال وايي ډيری کسان يي په لومړي ځل افغانستان ته ځي او د کار روزګار او استوګنې لپاره هيڅ پلان نلري۔
د پېښور پوهنتون محصلینو له پاکستان څخه د افغان کډوالو د جبري ایستلو پر ضد لاریون وکړ. دوی پر هغو بینرونو چې له ځان سره یې لیږدول، د افغان کډوالو په ملاتړ شعارونه لیکلي وو. محصلینو همداراز د پاکستان له حکومت څخه وغوښتل، چې له افغان کډوالو او په ځانګړې توګه له محصلینو سره دې نرم چلند وکړي.
د پېښور دوه وکیلانو د پاکستان حکومت لخوا د غير ثبت شويو افغان کډوالو د ايستلو د پکړې پر ضد عالي محکمې ته عریضه کړې ده. وکیلانو استدلال کړی چې د دواړو هیوادونو او UNHCR تر منځ د شوې هوکړې له مخې په زوره د افغان کډوالو ایستل غیر قانوني کار دی.
د سوات چارباغ سيمې ځانګړي خواړه ګونګړي په دغه سیمه کې خورا مشهور دي. شريف خان د تيرو ۳۲ کالو راهيسې "ګونګړي" په کور کې پخوي او بيا يي بازار کې پلوري۔ دوي وايي ځينې مشتریان یې ګونګړي لیرې ښارونو او حتی خليجي هيوادونو ته هم وړي. شاهين افريدی - امریکاغږ
د افغان مہاجرینو متحده مرکزي عالي شورا غړو په پېښور پریس کلب کې یوه خبري غونډه وکړه او د پاکستان له حکومته یې وغوښتل چې غیر ثبت شوي افغان کډوال دې نه وباسي. دوي انديښنه څرګنده کړه چې بیرته ستنېدل به ورته سترې ستونزې جوړې کړي. شاهين افريدي - امريکا غږ
په افغانستان کې د طالبانو له خوا د نجونو پر زده کړو له بندیز وروسته په پاکستان کې هم دغه نجونې د قانوني اسنادو د نشتوالي له امله له زده کړو بې برخې دي او خپل راتلونکی په تیاره کې ویني. دوی لاسي صنایعو او نورو مهارتونو ته مخه کړې چې نه یوازې خپل ځان، بلکې خپلې کورنۍ هم له اقتصادي پلوه پیاوړې کړي.
د پاکستان حکومت دغه هیواد په غیر قانوني توګه راغلیو افغان کډوالو ته د نومبر میاشتې تر لومړۍ نیټې پورې مهلت ورکړی چې بیرته افغانستان ته ستانه شي. په زوره د هيواد څخه ويستلو په هکله په پيښور کې مېشت افغان کډوالو سخت غبرګون ښودلی۔ شاهين افريدي پرې راپور لري
سوات کې د مذهبي ګوندونو ځينې مشرانو او ځايي خلکو د ښځو پر کرکټ بندیز لګولی. د ځايي خلکو په خبره، د ښځو د کرکټ لوبې وروسته له هغې ودرول شوې، چې د مذهبي ګوندونو ځينو منسوبینو د دغو لوبو خلاف لاریون وکړ. ښځينه لوبغاړې دا پېښه په کلکه غندي او دا ډول بنديزونه په سوات کې د طالبانو د دورې يادونه بولي.
د پیښور د چارسدې "رزړو خواږه" د خپل ځانګړي خوند له امله په ټوله نړۍ کې مینه وال لري. د رزړو په بازار کې له يو پلورنځی څخه چې په ۱۹۳۰ کال کې جوړ شوی، خلک دغه ځانګړی ډول خواږه افغانستان، انګلستان، امریکا، نیوزیلنډ او د خلیج ډېرو هېوادونو ته د ډالۍ په توګه استوي.
پيښور ته د نویو راغلي افغان کډوالو په منځ کې يو شمېر داسې ورزشکاران هم شته دي، چې د ورځې لخوا مزدوري کوي، خو بيا د ماښام لخوا د سوک وهنې تمرين کوي. فرمان الله او سليمان د دغه سوک وهونکو څخه دي چې غواړي خپل راتلونکی ددغه لوبې له لارې جوړ کړي.
په قام هندکوان او د پیښور اوسیدونکی عین عامر د مصنوعي زیوراتو جوړولو سره ډیره مینه لري او دغه کار یې د خپل عاید برابرولو ذریعه ګرځولې. وایي ټولنه کې ډیری خلک ورپورې ملنډې وهي او ګاڼۍ جوړول د ښځو کار بولي. شاهين افریدی له عین عامر او د هغه هنرمندې خور سره د دوی د هنري فعالیتونو په اړه غږیدلی.
د پېښور په بورډ بازار کې د 'کابل هوټل' د کباب او ازبکي پلاو له امله ډیر مشهور دي. پدغه هوټل کې ټول پخلی د افغان اشپزانو لخوا کیږي، چې خورا ځانګړی خوند لري او د پیرودونکو ډیر خوښیږي. د هوټل د مسؤل په وینا، افغانانو په پاکستان کې ډول ډول خواړه معرفي کړي چې هر یو یې ډېر مشهور دي.
پدې وروستېو کې د پاکستان حکومت په بیلابیلو ښارونو کې ډېر شمېر افغانان نیولي دي چې له کبله یې پدغه هیواد کې د میشتو کډوالو ترمنځ ویره خپره شوې. UNHCR وايي د افغان کډوالو نيونه غير قانوني اقدام دی او دوي چارواکو ته غوښتنليکونه ليږلي چې د افغان کډواله دغه ځورونه دې بنده کړی شي۔ شاهين افريدی امريکا غږ
د خیبرپښتونخوا د چارسدې اوسېدونکی امدادالله وايي چې د اقلیمي بدلون سره مبارزې لپاره له تېرو پنځو کلونو راهیسې د ښار په بېلابېلو سیمو کې تر ۴۰۰۰ ډیر نیالګي کېنولي. هغه وایي چې عام خلک کې د اقليمي بدلون په اړه نپوهېږي. پاکستان د اقلیمي بدلون د اغېزمنو هېوادونو په سر کې راولي. شاهين افریدي- امریکاغږ
علي رضوان چې د پېښور اوسېدونکی دی، يو لوستی ځوان دی او له مرغانو سره بې سارې مينه لري. هغه ۵۰ کلن زاړه د مرغانو او طوطيانو بيلا بيل ډول اعلي نسلونه هم لري. د لوړو زده کړو سره سره، د کار د نه موندلو له امله یې له مرغانو پير پلور خپل مسلک جوړ کړی دی.
د خیبر پښتونخوا په نوښار سیمه کې د ترکمن-افغان کډوالو په کمپ کې ۹۰ سلنه وګړي د غالیو په اوبدلو بوخت دي. پداسې حال کې چې د دوی لاسي غالۍ په ټوله نړۍ کې پلورل کیږي، خو دوی ته د هغوي د مهارتونو سره سم اجوره نه ورکول کیږي.
افغان کډوال محمد ابرار په پېښور کې د انځورګرۍ او خطاطۍ یو پیژندل شوی ماهر دی. هغه ته د ښوونځیو، کالجونو او مدرسو د زده کوونکو برسیره، ډاکټران، ښوونکي او د بیلابیلو مسلکونو اړوند نارینه او ښځې د زده کړې لپاره راځي. نوموړی وايي، غواړي په نړيواله کچه د خطاطۍ په نندارتونونو کې برخه واخلي.
په پېښور کې د پاکستان او افغان لوبغاړو تر مينځ د سوک وهنې سيالۍ وشوې چې پکې ګڼ شمېر لوبغاړ ګډون درلود. په دې سياليو کې زياتره هغه افغان لوبغاړي وو، چې د سوک وهنې ورزش لپاره، تازه ميوې، سبزي پلوري او يا څه بل روزګار کوي. نور حال د شاهین افریدي په رپوټ کې:
د تورخم پولې د تړل کېدو له امله د پېښور په بېلابېلو بازارونو کې د افغانستان د تازه مېوو او سبزیو بیې لوړې شوې دي. د افغان سوداګرو په وینا په بازار کې د پېرودونکو شمېر کم شوی دی. تمه ده چې د پولې په بیا پرانیستلو سره د افغاني توکو بیې راټيټې شي. شاهين افريدی امريکا غږ
په لنډي کوتل کې د سوداګرو اتحاديې او ځايي خلکو د تورخم پولې د تړلو پر ضد لاريون وکړ او د تورخم پولې د ژر تر ژره پرانيستلو غوښتنه يې پداسې حال کې کړې چې نن دغه پوله د اتمې ورځې لپاره هم تړلې وه. شاهين افريدي - امريکا غږ
نور پورته کول