د کوز کونړ ولسوالۍ یو کروندګر، اغاجان، امریکاغږ ته وویل، چې د کرمو فصل یې په تاوان پلورلی او اوس د نورو سبزیو د کر کیلې لپاره تابیا نیسي. اغاجان زیاتوي چې د سبزیو د فصل پر مهال له پاکستان او نورو ګاونډیو هېوادونو څخه د سبزیو واردات د دوی پر عایداتو منفي اغېز کوي.
نوموړي وویل: "تر غنمو او جوارو ډېره ګټه په سبزیو کې ده، خو کرنې ریاست او اړوندې ادارې باید د تخمونو، کیمیاوي سرو او نورو وسایلو په برخه کې له موږ سره مرسته وکړي. "