د لاس رسي وړ اتصالات

په کندز کې د چرګانو د خرڅلاو کمېدل د فارمونو مالکان اندیښمن کړي


په کندز کې د چرګانو د خرڅلاو کمېدل د فارمونو مالکان اندیښمن کړي
please wait

No media source currently available

0:00 0:01:55 0:00

د کندز ولایت د چهاردرې په ولسوالۍ کې د چرګانو د فارمونو مالکان وايي، چې د سږ کال په ژمي کې د چرګانو خرڅلاو کچه ټېټه شوې ده. ددغه ولایت چهاردرې ولسوالۍ یو تن فارم لرونکی، عصمت الله، وايي، چې د هغه په فارم کې څلور زره چرګان روزل شوي، خو د خرڅلاو د نشتون له امله تر اوسه نه دي پلورل شوي.

نوموړه زیاتوي، چې دوی په معمول ډول چرګان په فارم کې څلوېښت ورځې ساتي، خو دا ځل یې د چرګانو موده تر اته پنځوس ورځو اوږده شوې ده. هغه وايي که په چرګانو ناروغي ولګیږي، نو د دوی کاروبار به ورسره سخت زیانمن شي. دی وايي،‌ چې د چرګانو بازار زیات خراب شوی او خرڅلاو یې ولاړ دی.

په کندز کې د تېرو څو کلونو راهیسې د چرګانو د روزنې فارمونه مخ په زیاتېدو دي. ډېری هغه کسان چې په کرنیزو چارو کې تاوان کوي، دې کاروبار ته مخه کوي، خو د روان ژمي په موسم کې د خرڅلاو ستونزې د فارمونو مالکان له مالي زیان سره مخ کړي دي.

XS
SM
MD
LG