د افغانستان د ټاکنو خپلواک کمیسیون وايي ټولې پاکې او ناپاکې رایې شمېرل شوي، پروسس شوي او سبا د شنبې په ورځ( د اپریل ۲۶) به د انتخاباتو ابتدايي نتایج اعلان کړي.
د کمیسیون ویاند نور محمد نور امریکا غږ ته وویل چې ښايي اعلانېدونکې ابتدایي پایلې د پنجشنبې د ورځې قسمي اعلان شوي نتایج بدل کړي، خو ډېر او پام وړ تغیر به په کې رانشي .
ښاغلي نور وویل ( ټولې شاخوا اووه میلیونه رايې شمېرل شوي دي او د هغوی محلونو او مرکزونو نتایج چې رایې یې بیا شمېرل شوې او څېړل شوي، هم په کابل کې د ټاکنو د کمیسیون د معلوماتو راټولونې مرکز ته رسیدلي، پروسس شوي او شمېرل شوي دي .)
نوموړی وايي په ټول افغانستان کې د ۱۷۱۹محلونو او مرکزونو رایې بیا څېړل شوي او د ۷۸۹ محلونو او مرکزونو رایې بیا شمېرل شوي دي، له دغو محلونو او مرکزونو څخه د پراخو درغلیو د تورونو راپورونه ورکړل شوي و.
د افغانستان د ټاکنو خپلواک کمیسیون د پنجشنبې په ورځ ( د اپریل ۲۴) د جمهوري ریاست د انتخاباتو د قسمي پایلو دریېمه برخه اعلان کړه چې عبدالله عبدالله په سلو کې څه باندې ۴۴ فیصده او اشرف غني احمدزي په سلو کې څه باندې ۳۲ فیصده رايې وړي دي .
د ټاکنو د خپلواک کمیسیون کارکوونکي د رایو صندقونه لېږدوي
زلمي رسول دی چې څه باندې یوولس فیصده رایې وړي او عبد رب الرسول سیاف په سلو کې یې ۷ فیصده رایې خپلې کړي دي. د جمهوري ریاست نورو کاندیدانو قطب الدین هلال دوه اعشاریه اته ، ګل اغا شیرزي یوه اعشاریه شپږ، داود سلطانزوی صفر اعشاره پنځه او هدایت امین ارسلا صفر اعشاریه دوه فیصده رایی گټلي دي.
د افغانستان د اساسي قانون له مخې د جمهوري ریاست هر کاندید چې پنځوس فیصده جمع یوه (۵۰٪+۱ ) رایه وګټله د هېواد منتخب ولسمشر دی، خو تر دې مه یوه کاندید هم دغه معیار پوره کړی نه دی .
د ټاکنو خپلواک کمیسیون مشر یوسف نورستاني د قسمي پایلو د ورستۍ برخې د اعلان پر مهال شک وښود چې ښايي ټاکنې دویم پړاوو ته وغزیږي .
په دویم پړاوو کې به د دوو مخکښو کاندیدانو ترمنځ سیالي کیږي، چې ممکن دغه انتخاباتي رقابت د عبدالله عبدالله او اشرف غني احمدزي ترمنځ وي.
د افغانستان د اساسي قانون له مخې د جمهوري ریاست دویم دور انتخابات باید د لومړنیو انتخاباتو د ورستیو نتایجو له اعلان څخه دوه اونۍ وروسته ترسره شي .
د ټاکنو خپلواک کمیسیون وايي دوی د دویم پړاوو ټاکنو ته هم چمتوالی لري .
په پام کې ده چې د جمهوري ریاست د انتخاباتو نهايي او ورستۍ پایلې د ثور په ۲۴ اعلان شي .
د کمیسیون ویاند نور محمد نور امریکا غږ ته وویل چې ښايي اعلانېدونکې ابتدایي پایلې د پنجشنبې د ورځې قسمي اعلان شوي نتایج بدل کړي، خو ډېر او پام وړ تغیر به په کې رانشي .
ښاغلي نور وویل ( ټولې شاخوا اووه میلیونه رايې شمېرل شوي دي او د هغوی محلونو او مرکزونو نتایج چې رایې یې بیا شمېرل شوې او څېړل شوي، هم په کابل کې د ټاکنو د کمیسیون د معلوماتو راټولونې مرکز ته رسیدلي، پروسس شوي او شمېرل شوي دي .)
نوموړی وايي په ټول افغانستان کې د ۱۷۱۹محلونو او مرکزونو رایې بیا څېړل شوي او د ۷۸۹ محلونو او مرکزونو رایې بیا شمېرل شوي دي، له دغو محلونو او مرکزونو څخه د پراخو درغلیو د تورونو راپورونه ورکړل شوي و.
د افغانستان د ټاکنو خپلواک کمیسیون د پنجشنبې په ورځ ( د اپریل ۲۴) د جمهوري ریاست د انتخاباتو د قسمي پایلو دریېمه برخه اعلان کړه چې عبدالله عبدالله په سلو کې څه باندې ۴۴ فیصده او اشرف غني احمدزي په سلو کې څه باندې ۳۲ فیصده رايې وړي دي .
د افغانستان د اساسي قانون له مخې د جمهوري ریاست هر کاندید چې پنځوس فیصده جمع یوه (۵۰٪+۱ ) رایه وګټله د هېواد منتخب ولسمشر دی، خو تر دې مه یوه کاندید هم دغه معیار پوره کړی نه دی .
د ټاکنو خپلواک کمیسیون مشر یوسف نورستاني د قسمي پایلو د ورستۍ برخې د اعلان پر مهال شک وښود چې ښايي ټاکنې دویم پړاوو ته وغزیږي .
په دویم پړاوو کې به د دوو مخکښو کاندیدانو ترمنځ سیالي کیږي، چې ممکن دغه انتخاباتي رقابت د عبدالله عبدالله او اشرف غني احمدزي ترمنځ وي.
د افغانستان د اساسي قانون له مخې د جمهوري ریاست دویم دور انتخابات باید د لومړنیو انتخاباتو د ورستیو نتایجو له اعلان څخه دوه اونۍ وروسته ترسره شي .
د ټاکنو خپلواک کمیسیون وايي دوی د دویم پړاوو ټاکنو ته هم چمتوالی لري .
په پام کې ده چې د جمهوري ریاست د انتخاباتو نهايي او ورستۍ پایلې د ثور په ۲۴ اعلان شي .
