نن یکشنبه ( اپریل ۴) په ټول افغانستان کې ماشومانو ته د ګوزڼ ضد واکسین پسرلنی کمپاین پیل شو چې، درې ورځې به روان وي .
کمپاین ولسمشر حامد کرزي په کابل کې د یوه ماشوم په خوله کې د ګوزڼ ضد واکسین د څاڅکو په څڅولو پیل کړ .
د عامې روغتیا وزارت د پولیو ضد د څانګې د اړیکو مشر ګلاخان ایوب امریکا غږ ته وویل چې په دغه کمپاین کې به ۸.۹ میلیونو هغوو ماشومانو ته چې عمرونه یې تر پنځو کلونو کم دي، د ګوزڼ ضد واکسین څاڅکي ورکړل شي.
« د ګوزڼ ضد واکسین پروګرام به په ټول افغانستان کې عملي کیږي او درې ورځې به روان وي، د ګوزڼ ضد واکسین ترڅنګ موږ ماشومانو ته د ویټامین ای کپسول هم ورکوو.»
ښاغلي ایوب وویل دا په ۲۰۱۴ کال کې د پولیو ضد واکسین دویمه او پسرلنۍ دوره ده چې د دغه کال په لومړۍ دوره کې په همدومره شمېر کې ماشومانو په خولو کې د واکسین څاڅکي څڅول شوي و.
نوموړي وویل په افغانستان د ګوزڼ پېښې د تېرو کلونو په پرتله نژدې ۹۵٪ فیصده کمې شوي دي .
د افغانستان د عامې روغتیا وزیره ثریا دلیل او د ګوزڼ ضد د واکسین ځیني نور کارکوونکي له افغان ولسمشر حامد کرزي سره
« موږ په ۲۰۱۱ کال د پولیو ۸۰ پېښې په ۲۰۱۳ کال کې څوارلس او سږ کال تر دې دمه ۴ پېښې ثبتې کړي دي. دغه وروستۍ پېښې په لغمان، کونړ او ننګرهار ولایتونو کې ثبتې شوي دي، هیله مو دا ده چې دغه پېښې صفر ته ورسوو.»
د عامې روغتیا د واکسین د برخې د اړیکو مشر ګلاخان ایوب وايي، په دغو سیمو کې ځکه ماشومان ګوزڼ شوي چې له پاکستان سره ګډه پوله لري.
پاکستان د ګوزڼ ناروغۍ سره د مبارزې په برخه کې لاس او ګریوان دی، پاکستاني طالبان د ګوزڼ ضد پر کمپاین کوونکو بریدونه کوي او یو شمېر یې وژلي هم دي .
دواړو هېوادونو ته د خلکو په تګ راتګ سره دغه ناروغي له یوه هېواد څخه بل ته هم انتقالېدې شي .
په افغانستان کې د ګوزڼ واکسین پر دغه درې ورځني پروګرام شاوخوا درې اعشاریه څلور میلیونه ډالره لګښت راځي چې د نړیوالو مرستندیو ادارو له لوري ورکول کیږي .
کمپاین ولسمشر حامد کرزي په کابل کې د یوه ماشوم په خوله کې د ګوزڼ ضد واکسین د څاڅکو په څڅولو پیل کړ .
د عامې روغتیا وزارت د پولیو ضد د څانګې د اړیکو مشر ګلاخان ایوب امریکا غږ ته وویل چې په دغه کمپاین کې به ۸.۹ میلیونو هغوو ماشومانو ته چې عمرونه یې تر پنځو کلونو کم دي، د ګوزڼ ضد واکسین څاڅکي ورکړل شي.
« د ګوزڼ ضد واکسین پروګرام به په ټول افغانستان کې عملي کیږي او درې ورځې به روان وي، د ګوزڼ ضد واکسین ترڅنګ موږ ماشومانو ته د ویټامین ای کپسول هم ورکوو.»
ښاغلي ایوب وویل دا په ۲۰۱۴ کال کې د پولیو ضد واکسین دویمه او پسرلنۍ دوره ده چې د دغه کال په لومړۍ دوره کې په همدومره شمېر کې ماشومانو په خولو کې د واکسین څاڅکي څڅول شوي و.
نوموړي وویل په افغانستان د ګوزڼ پېښې د تېرو کلونو په پرتله نژدې ۹۵٪ فیصده کمې شوي دي .
« موږ په ۲۰۱۱ کال د پولیو ۸۰ پېښې په ۲۰۱۳ کال کې څوارلس او سږ کال تر دې دمه ۴ پېښې ثبتې کړي دي. دغه وروستۍ پېښې په لغمان، کونړ او ننګرهار ولایتونو کې ثبتې شوي دي، هیله مو دا ده چې دغه پېښې صفر ته ورسوو.»
د عامې روغتیا د واکسین د برخې د اړیکو مشر ګلاخان ایوب وايي، په دغو سیمو کې ځکه ماشومان ګوزڼ شوي چې له پاکستان سره ګډه پوله لري.
پاکستان د ګوزڼ ناروغۍ سره د مبارزې په برخه کې لاس او ګریوان دی، پاکستاني طالبان د ګوزڼ ضد پر کمپاین کوونکو بریدونه کوي او یو شمېر یې وژلي هم دي .
دواړو هېوادونو ته د خلکو په تګ راتګ سره دغه ناروغي له یوه هېواد څخه بل ته هم انتقالېدې شي .
په افغانستان کې د ګوزڼ واکسین پر دغه درې ورځني پروګرام شاوخوا درې اعشاریه څلور میلیونه ډالره لګښت راځي چې د نړیوالو مرستندیو ادارو له لوري ورکول کیږي .
