افغانستان د کرکټ په نړۍ کې ایرلینډ خپل نیزدې حریف گڼي. دواړه د دویمې درجې پرمختللي ټیمونه دي او د کرکټ نړیواله شورا هم ورته په دې نظر گوري چې د دوي نه به یو ټیم د کرکټ د اولې درجې ټیمونو کې شامل شي.
افغانستان تر دې دمه د ایرلینډ نه په شل اوریزو او پینځه ورځینو دواړو لوبو کې د درجه بندۍ په حساب مخکې دی.افغانستان په دې وروستیو لوبو کې هم د ایرلینډ خلاف د عربي اماراتو په صحرا جام کې او په هند کې په لومړیو شل اوریزو سیالیو کې ښه وځلید او ایرلینډ ته ېې مسلسلې ماتې ورکړې.
د شل اوریزو لوبو نه پس په لومړیو دوه یو ورځنیو سیالیو کې هم افغانستان ایرلینډ د مسلسلو ماتو سره مخ کړ او داسې گڼل کیده چې افغانستان به دریمه یو ورځنۍ سیالي هم وگټي او بل جام به هم پورته کړي،خو هغه سیالي د ایرلینډ ټیم په شپږ وکټو وگټله. څلورمې سیالۍ کې بیا ایرلینډ په افغانستان لاس بری شو او په درې وکټو ېې ماتې ورکړه.
دې دوه ماتو ایرلینډ ته د بري روحیه او افغانستان کرکټ ټیم یو سوال پیدا کړ،چې اخر ولې په هم هغه میدان،د هم هغه ټیم خلاف پرله پسې ماتې خوري. د کرکټ زیاتره مبصرین د کرکټ د ملي ټیم د کپتان اصغر ستانکزي په کپتانۍ انتقاد لري چې د پچې گټلو نه پس پرله پسې اول توپ وهنه کوي او د توپ وهونکو په ترتیبب کې هم سم انتخاب نه کوي او زیاتره د منځ لوبغاړي اخر ته وباسی. چې زیاتره د شفیق الله شفق د نوبت په اړه سوال پیدا کیږي،چې د کوم نوبت لوبغاړی دی. شفیق الله شفق دریواړو لوبه کې ښه ځلیدلی،خو تراوسه ېې ټیم کې پوخ ځای نه دی معلوم.
بل انتقاد د راشد ارمان د توپ اچونې نه د سمې استفادې په اړه کیږي، چې زیاتره وخت چې مقابل ټیم په پښو ودریږي، نو بیا راشد ارمان توپ اچونې ته راځي ،چې هغه وخت بیا مقابل ټیم د هغه نه زیات ډار نه احساسوي.
نو د جمعې د ورځې دپاره داسې هیله کیږي چې افغانستان په هغه باور سره میدان ته بیا کوز شي،لکه چې لومړیو دوه سیالیو کې ښکته شوی و.ورسره د توپ اچونې په لړ کې د شهزاد دریدل مهم بلل کیږي. توپ اچونه کې د یو بل تیز بالر غوښتنه هم کیږي چې دولت ځدران سره ملگری ووسي.
ایرلینډ هم کوشش کوي چې په افغانستان ترلاسه کړې غلبه همداسې ټینگه وساتي او د هند په میدان ماتې ورکولو سره د قوي روحېې سره کور ته ستون شي.
په دې اساس د جمعې د ورځې لوبه دواړو ټیمونو دپاره حیاتي ارزښت لري.
