د امریکا پوځ وایي دوه عسکر یې په عراق کې د "دښمن قووا" لخوا وژل شویدي.
د پوځ په اعلامیې کې ویل شوي چې دغه دوه عسکر د یکشنبې په ورځ ( مارچ۸) د عراق د شمال په مرکزي برخه کې په یوې غرنۍ سیمه کې وژل شوي.
پوځ ویلي چې دې عسکرو د اسلامي دولت یا داعش د ډلې دله منځه وړلو ماموریت کاوه.
د امریکا د دفاع وزارت د پالیسۍ له مخې تر اوسه د عسکرو هویت پټ ساتل شوی. امریکا په عراق کې شاوخوا ۵۲۰۰ عسکر لري چې د داعش په خلاف جګړې کې عراق امنیتي ځواکونه روزي او همکاري ورسره کوي.
عراقي چارواکو تر اوسه پدې هکله تبصره نده کړې.
