په یمن کې د سعودي عربستان په مشرۍ ائتلافي ځواکونو د حوثي یاغیانو په توقیفخانو په هوایي بمباریو کې لږترلږه ١٠٠ تنه وژلي او په لسګونو یې زخمیان کړي دي.
د ای پي خبري اژانس وایي، چې د یمن د دهامر په صویې کې د سعودي په مشرۍ ائتلافي ځواکونو په حوثي یاغیانو بمبارۍ کړي دي، چې په نتیجه کې یې د سلو نه زیات کسان وژل شوي دي.
په یمن کې د سره صلیب مشر فرنز راسټن چې دغه سیمې ته د بریدونو نه وروسته ورغلی دي وایي، چې د توقیف په مرکزونو په بمباربو کې ډیر لږ کسان ژوندي پاتې دي او وایي چې د وژل شوو کسانو شمیر کیدی شي نور زیات شي.
د سره صلیب ټولنه وایي، چې په دغه توقیفخانو کې د بندیانو شمیر شاوخوا ١٧٠ تنه و چې اوس یې د ۴٠ تنو زخمیانو علاج دوام لري او د پاتې نورو په اړه ویل کیږي چې هغوی وژل شوي دي.
د سعودي په مشرۍ ائتلافي ځواکونه وایي، چې هغوی د حوثي یاغیانو په بندیخانو نه بلکې په یو پوځي مرکز برید کړی دی.
داسې ویل کیږي، چې دا د سعودي په مشرۍ د ائتلافي ځواکونه لخوا تر ټولو لوی عملیات دي چې د حوثیانو ضد یې ترسره کړي دي.
په سعودي عربستان په روغتونونو، ښوونځیو او د واده په مراسمو د بمباریو له کبله په نړیواله کچه نیوکې کیږي.
د یادونې وړ ده چې د یمن جګړه په ٢٠١٥ کال کې د هغې نه وروسته پیل شوه چې ایران پلوه حوثي یاغیانو د یمن د ولسمشر منصور هادي حکومت ړنګ کړ او په صنعا یې قبضه وکړله.
