په هند کې چارواکي وایي هغه سړی مړ شو چې ۳۹ ښځې یې او ۹۴ اولادونه یې لرل.
د هند په شمال ختیځ کې د میزورام ایالت وزیر «زورامتنګا» وايي چې «زیانا چانا» مړ شوی دی.
زیانا چانا په خپلې سیمې کې د عیسویست د «بلکمور» طریقې مشر و چې نارینوو ته د ډېرو ښځو سره د واده کولو اجازه ورکوي.
هغه تېره ورځ د جون ۱۳ (غبرګولي ۲۳) په ۷۶ کلنۍ کې مړ شو.
نوموړي د خپل ایالت په یوې لېرې پرتې سیمې کې په یوې لویې څلور پوړېزې ودانۍ کې، چې ۱۰۰ خونې یې لرلې، ژوند کاوه.
کلیوالو ویلي دي چې د دغه سړي تر څنګ به هره وخت د هغه اووه اته ښځې لیدل کېدې.
په خپله «زیانا» په ۲۰۱۱ کې د رویټرز خبري اژانس ته ویلي وو: «زه غواړم چې خپله کورنۍ نوره هم غټه کړم او ډېر ودونه وکړم. زه د ډېرو خلکو سرپرستي په غاړه لرم. زه ځان نیمکرغه ګڼم.»
سیمه ییزې رسنۍ وايي چې دا کورنۍ ۱۶۷ غړي لري او په نړۍ کې تر ټولو لویه کورنۍ بلل کیږي. د دغه سړي ۳۳ لمسیان هم شته.
دا مهال په کاناډا کې د «وینسټن بلکمور» ډلې مشر چې نارینوو ته د ډېرو ښځو سره د واده کولو اجازه ورکوي، ۲۷ ښځې او ۱۵۰ ماشومان لري.
