په ټولنیزو رسنیو کې د افغان لوبغاړو لمانځنه نوې خبره نده خو د افغانستان د ورو توپ اچونکي راشد خان د تیرې ورځې ستاینې بیا هیڅ ساری نلري. ټوله غوغا د هند غوره لیګ یا آی پي ایل د سیالیو په لړ کې د سنرایزر حیدرآباد او کلکته نایټ رایډرز د لوبډلو تر منځ د لوبې نه وروسته پیل شوه.
راشد خان پدې لوبې کې د خپلې لوبډلې لپاره داسې څه وکړل چې ګمان کیده د ځان سره یې پریکړه کړې چې په یوازې ځان به خپله لوبډله تر پای لوبې رسوي او همداسې وشول. پیل یې د توپ وهنې نه وکړ او یوازې په لسو توپونو یې ۳۴ منډې وکړلې. څلور شپږیزې او دوه څلوریزې ووهلې. کله یې چې د توپ اچونې نوبت راغی یو ځل بیا یې د سیالې لوبډلې غټ او مشهور لوبغاړي پداسې شکل وسوځول چې ټول ورته هک پک شول.
په څلورو اورونو کې پرې یوازې نولس منډې وشو او درې لوبغاړي یې وسوځول. د راشد خان د دې کارنامي د پای ته رسیدو نه سمدستي په هند کې خلکو په ټویټر کې ولیکل چې راشد ته دې د هند افتخاري تابعیت ورکړل شي. د شپې شاوخوا دولس بجې به وې خو د هند د بهرنیو چارو وزیره ویښه وه او د خلکو غږ یې واوریده.
" ستاسو ټول ټویټونه مې ولیدل خو د تابعیت مسله د کورنیو چارو وزارت کار دی."
د هند د بهرنیو چارو د وزیري د ټویټ نه څو شیبې وروسته جمهور رئیس محمد اشرف غني خپل ځواب ولیکه.
" راشد خان زمونږ ویاړ دی. د هند نه مننه چې هغه ته یې د خپلې وړتیا د ښودلو لپاره فرصت ورکړ. هغه د کرکټ د نړۍ لپاره یو سرمایه ده. مونږ یې چا ته نه ورکوو. "
Afghans take absolute pride in our hero, Rashid Khan. I am also thankful to our Indian friends for giving our players a platform to show their skills. Rashid reminds us whats best about Afg. He remains an asset to the cricketing world. No we are not giving him away. @narendramodi
— Ashraf Ghani (@ashrafghani) May 25, 2018
د ښاغلي غني تر څنګ د افغانستان اجرائیه رئیس ډاکټر عبدالله او په واشنګټن، ډهلي، پاکستان، اسټرالیا، ایټالیا او نورو هیوادونو کې د افغانستان سفیرانو راشد خان وستایه او هغه یې د افغانستان "اصلي استازی" یاد کړ.
Rashid Khan is the best thing Afghanistan has produced in a very very long time. Our real Ambassador! pic.twitter.com/ttOtN0MUUl
— Waheed Omer (@Waheed_Omer) May 25, 2018
د کرکټ اوسني او پخواني مشهور لوبغاړي هم د راشد خان په ستاینې کې چوپ پاتې نشول. هغوي چې د کرکټ سره مینه لري، سچن ټنډولکر او شین وارن پیژني. دواړه یې د خپل وخت د نړۍ تر ټولو غوره لوبغاړي و. ټنډولکر په توپ وهنې او وارن په توپ اچونې.
سچن ټنډولکر په ټویټر کې ولیکل: راشد خان د نړۍ تر ټولو غوره ورو توپ اچونکی دی او نن یې په توپ وهنې کې هم خپل کمال وښود.
Always felt @rashidkhan_19 was a good spinner but now I wouldn’t hesitate in saying he is the best spinner in the world in this format. Mind you, he’s got some batting skills as well. Great guy.
— Sachin Tendulkar (@sachin_rt) May 25, 2018
شین وارن بیا لیکلي: ډیر لوبغاړي مې ولیدل چې زما په شان (لیګ سپین) کوي خو راشد خان مې ویاړ دی.
As a leg spinner I love seeing all the different types of leg spinners playing in the #IPL but watching @rashidkhan_19 bowl in these big games makes me proud as he loves this stage & pressure it also gets me excited ! 👍
— Shane Warne (@ShaneWarne) May 25, 2018
د افغانستان د پخواني جمهور رئیس ډاکټر نجیب الله لور، هیله نجیب چې په هند کې اوسیږي، ویلي دي چې " د راشد خان په شان ورزشکاران دي چې د افغانستان نوم یې نیک کړی، دا کار سیاستوالو ندی کړی. "
It’s a sportsman who has made us #Afghans proud, not our politicians, @rashidkhan_19 is an example how 1 can contribute to 1’s society & country! We need more sportsmen, artists, musicians, researchers, philosophers, Innovators- these r the ppl who will make us shine! https://t.co/O9iebX2J23
— Heela هیله نجیب الله (@HNajibullah) May 25, 2018
د هند د سینما مشهورو ستورو، خبریالانو او چاراکو هم د راشد خان سره بې سارې مینه ښودلې. ځوان هنرمند ورون دوان لیکلي دي چې " راشد خان په ریښتیني توګه د افغانستان د سپورت استازی دی"
@rashidkhan_19 wow wow wow. Truly a magical spell of bowling a great ambassador for the sport and his country. The final is gonna be thrilling
— Varun Dhawan (@Varun_dvn) May 26, 2018
د هند د کرکټ یو بل لوبغاړي عرفان پټان چې ورور یې یوسف پټان د راشد خان سره په یوې لوبډلې کې لوبه کوي، لیکلي دي چې راشد خان ثابته کړله چې د "تیږې نه هم اوبه ایستل کیدی شي"
Pathhar se pani nikal nahi sakte Lekin @rashidkhan_19 aaj Wo bhi kar dete. Batting bowling fielding. Mind blowing effort #KKRvsSRH Goodluck to two best teams of this ipl2018 for the finals #CSKvSRH
— Irfan Pathan (@IrfanPathan) May 25, 2018
راشد خان پخپلې وړتیا وکولی شو چې د سنرایزر حیدرآباد لوډله د سږ کال آی پي ایل د سیالیو پای لوبې ته ورسوي. د حیدرآباد لوبډله سبا (یکشنبې د مې 27 مه) د چنای سوپر کنګز د لوبډلې سره سیالي کوي.