د پاکستان صدراعظم یوه ورځ د هغې نه وروسته چې د هند یو پیلوټ د پاکستان په خاوره ونیول شو، بیرته هند ته د ورکولو اعلان وکړ
د عمران خان دغې اعلان ته په هند کې ځینو کسانو هرکلې وویل. د هند لخوا د عمران خان د دغې پریکړې په اړه د خوښۍ په څرگندولو کې ځینې پخواني او اوسني حکومتي چارواکي هم شامل و.
عمران خان د ملي امنیت په اړه را بلل شوې یوې غونډې ته وویل چې د دی باوجود چې هغه د هند صدراعظم ته څو وارې د سولې پیغام واستوو خو هغه ورته مثبت ځواب نه ورکوي.
عمران خان وویل چې د هند لخوا د جټ الوتکو پاکستان ته د داخلیدو باوجود هغه د پوځ د لوی درستیز سره په غونډه کې دا پریکړه وکړه چې د زغم نه به کار واخلي.
په هند کې خلکو د عمران خان د پیلوټ د پریښودو د اعلان نه وروسته په ټولنیزو رسنیو خپل غبرگونونه څرگند کړل.
د هند یو خبریال راجدیپ سردیسي په خپل ټویټر ولیکل:
We in India may not like this, but in terms of pure optics, @ImranKhanPTI at the moment is winning the day by taking the moral high ground .. we have a strong case on terror but too many of our leaders busy calculating votes at the moment..
— Rajdeep Sardesai (@sardesairajdeep) February 28, 2019
"په هند کې مونږ باید دا خوښ نه کړو خو عمران خان دا وخت د اخلاقي اصولو له نظره مخکی دی. مونږ د ترهگرۍ په اړه قوي دریځ لرو خو دا وخت ځینې کسان د رایو د شمیر په اړه زیات فکر کوي."
د هند دپنجاب ایالت وزیر نوجوت سنگ سدهو پخپل ټویټر ولیکل:
@ImranKhanPTI Every noble act makes a way for itself... your goodwill gesture is ‘a cup of joy’ for a billion people, a nation rejoices...I am overjoyed for his parents and loved ones.
— Navjot Singh Sidhu (@sherryontopp) February 28, 2019
"هر ښه اقدام خپل ځای لري، ستا دغه گام په ملیونو خلک خوشحاله کړیدی. زه د هغه (پیلوټ) د کورنۍ لپاره خوشحاله یم"
د عمران خان د اعلان نه وروسته په هند کې ځینو ټلویژوني خپرونو کې وویل شول چې پاکستان د هند د فشار نه وروسته مجبوره شو چې د هغوي نیول شوی پیلوټ پریږدي.
په ټولنیزو رسنیو ځینو دا هم ولیکل چې عمران خان بله لاره نه لرله